- વર્લ્ડ કપ માટે ટીમ ઈન્ડિયાનાં ખેલાડીઓની લિસ્ટ તૈયાર
- સંભવિત 19 ખેલાડીઓનાં નામ સામે આવ્યાં
- BCCI 4 ખેલાડીઓનાં નામ રદ કરી શકે છે
ટીમ ઈન્ડિયા વર્લ્ડ કપની તૈયારીમાં લાગી ગઈ છે. રોહિત શર્માની કેપ્ટનશીપમાં ટીમને ICC ટૂર્નામેંટથી પહેલા એશિયા કપ અને ઑસ્ટ્રેલિયાની સામે 3 મેચોની વનડે સીરીઝ રમવાની છે. વર્લ્ડકપ માટે 19 સંભવિત ખેલાડીઓની લિસ્ટ તૈયાર થઈ ચૂકી છે. BCCIનાં સિલેક્ટર્સ આ 19માંથી કયા 15 ખેલાડીઓને ICC ટૂર્નામેંટમાં મોકો આપે છે એ તો જોવાનું રહ્યું.
આ 2 પ્લેયર્સનાં ચાન્સ ઓછા
સૂર્યકુમાર યાદવ અને સંજૂ સેમસન વેસ્ટઈંડિઝની મેચોમાં ખાસ પ્રદર્શન કરી નથી શક્યાં તેવામાં 15ની લિસ્ટમાં તેમનું નામ રદ થવાનાં ચાન્સ છે. આ સિવાય સ્પીડ બોલર જયદેવ ઉનાદકટ અને શાર્દુલ ઠારુરમાંથી કોઈ એકને સ્થાન મળી શકે છે.
World Cup માટે સંભાવિત ગ્રુપ
રોહિત શર્મા (કેપ્ટન), શુભમન ગિલ, વિરાટ કોહલી, શ્રેયલ અય્યર, કે.એલ. રાહુલ, હાર્દિક પંડ્યા (વાઇસ કેપ્ટન), મોહમ્મદ શમી, મોહમ્મદ સિરાજ, રવિન્દ્ર જાડેજા, જસપ્રીત બુમરાહ, કુલદીપ યાદવ, સૂર્યકુમાર યાદવ, ઈશાન કિશન (વિકેટકીપર), અક્ષર પટેલ, સંજૂ સેમસેન, શાર્દુલ ઠાકુર, જયદેવ ઉનાદકટ, મુકેશ કુમાર, યુજવેંદ્ર ચહલ.
16થી લઈને 18 ખેલાડીઓનું સિલેક્શન શક્ય
રિપોર્ટ અનુસાર ભારત, એશિયા કપ અને ઑસ્ટ્રેલિયાની સામે થતી ઘરેલૂ સીરીઝ માટે 16થી લઈને 18 ખેલાડીઓનું સિલેક્શન કરી શકે છે. જયદેવ ઉનાદકટ અને શાર્દુલ ઠાકુરને શ્રીલંકામાં થનારી એશિયા કપ અને ઑસ્ટ્રેલિયાની સામેની 3 મેચો રમવાનો મોકો મળશે. કે.એલ રાહુલ અને શ્રેયસ અય્યરનાં આવવાથી ભારતની સ્થિતિ વધુ મજબૂત થશે.
ત્રીજો સ્પિનર કોણ?
ટીમમાં બોલર્સ અને ત્રીજા સ્પિનરને લઈને હજુ સુધી સ્પષ્ટતા નથી કરવામાં આવી. જસપ્રીત બુમરાહની રિકવરી જો 80% હશે તો તે વર્લ્ડ કપ રમી શકશે. મોહમ્મદ શમી અને મોહમ્મદ સિરાજનું મેચ રમવું પણ નક્કી જ છે. હાર્દિક પંડ્યા ચોથા ફાસ્ટ બોલરની ભૂમિકા ભજવશે. આશા છે કે તે પ્રત્યેક મેચમાં 6થી 8 ઓવર કરશે. જો ત્રીજા સ્પિનરનો સવાલ છે તો ટીમ પાસે અક્ષર પટેલ છે કે જે યજુવેંદ્ર ચહલથી હાલમાં આગળ છે. જો કે તે રવિન્દ્ર જાડેજા જેવી બોલિંગ કરે છે.
શાર્દુલનું પર્ફોર્મન્સ સારું
જો પ્રદર્શનની વાત કરીએ તો શાર્દુલ ઠાકુર ઘણાં આગળ છે. તેમણે વેસ્ટઈંડીઝમાં 3 વનડે મેચમાં 8 વિકેટ લીધી હતી. જ્યાં સુધી જયદેવ ઉનાદકટનો સવાલ છે તો તેમને લેફ્ટી બોલર હોવાનો ફાયદો મળી શકે છે. આ સિવાય લેફ્ટી બોલરમાં અર્શદીપ સિંહને એશિયન ગેમ્સ માટે પસંદ કરવામાં આવ્યાં છે.
