એલર્ટ / ડેટિંગ એપ ટિંડર વાપરનાર છોકરીઓ સાવધાન ! દિલ્હીમાં બનેલી ઘટનાએ લોકોની ઊંઘ ઉડાવી, જાણો શું બન્યું

• ડેટિંગ એપ ટિંડર વાપનાર લોકો ચેતે
• દિલ્હીના દ્વારકામાં બન્યો ચોંકાવાનારો કિસ્સો
• યુવકે ટિંડર પર દોસ્તી કરીને યુવતીને બોલાવી હોટલમાં
• નશીલું પીણું ભેળવીને આચર્યું દુષ્કર્મ 

ટિંડર પર દોસ્તીને નામે દુષ્કર્મની એક ઘટન દિલ્હીમાં બની છે જેમાં સૌથી પહેલા આરોપીએ ટિંડર પર યુવતી સમક્ષ દોસ્તીની ઓફર મૂકી અને પછીથી હોટલમાં બોલાવીને દુષ્કર્મ આચર્યું હતું. દ્વારકાની ફાઈવ સ્ટાર હોટલમાં યુવતી પર બળાત્કારની ઘટના સામે આવી છે.

આરોપીએ ટિન્ડર પર મિત્રતા કરીને આચર્યું દુષ્કર્મ 

આરોપીએ ટિન્ડર એપ્લિકેશન પર યુવતી સાથે મિત્રતા કરી હતી અને ત્યારબાદ તેને હોટલમાં મળવા બોલાવ્યો હતો જ્યાં તેણે ગુનો કર્યો હતો.

ડેટિંગ એપનો ઉપયોગ કરતી વખતે આ વાતોનું ધ્યાન રાખો

● ડેટિંગ એપ પર ફેસબુક, ઇન્સ્ટાગ્રામથી અલગ તસવીરનો ઉપયોગ કરો. બધા સોશિયલ મીડિયા પ્લેટફોર્મ પર એક જ ચિત્રનો ઉપયોગ કરવાથી તમારા માટે ઓનલાઇન શોધવાનું સરળ બને છે.

● શંકાસ્પદ લોકો સાથે મિત્રતા કરવાનું ટાળો. જો કોઈ પ્રોફાઈલ શંકાસ્પદ લાગતી હોય તો ફ્રેન્ડ રિક્વેસ્ટ ન તો મોકલો કે ન તો સ્વીકારો. આ માટે તમારે મિત્રતા પહેલા પ્રોફાઇલ તપાસવી જોઇએ.

● વ્યક્તિગત માહિતીની આપ-લે કરશો નહીં. ઓનલાઇન ડેટિંગ એપ કે સોશિયલ સાઇટ પર ચેટિંગ કરતી વખતે તમારી દરેક માહિતી જાહેર ન કરો. તમારી બેંક વિગતો, ઘર અથવા ઓફિસનું સરનામું શેર કરશો નહીં.

● જો કોઈ વ્યક્તિ આર્થિક મદદની પહેલ કરે, તો જાળમાં ફસાવાથી બચો. વળી, જો કોઈ પૈસા માંગે તો આપવાનું ટાળો.