હૈદરાબાદ / શ્રદ્ધા કે અંધશ્રદ્ધા? ભગવાનને પામવા મહિલા પાંચમા માળેથી કૂદી, સુસાઈડ નોટ પણ લખી

આજકાલ આપઘાતના જે કેસ સામે આવે છે તેમાં મોટેભાગે પતિ કે પત્નીનું એકસ્ટ્રા મેરીટલ અફેર કે પછી આર્થિક તંગી જવાબદાર હોય છે.. પરંતુ હૈદરાબાદમાં આપઘાતની એક એવી ઘટના સામે આવી છે જેનું કારણ ખુબજ ચોંકાવનારુ છે.

હૈદરાબાદના હિમાયતનગર વિસ્તારમાંથી આ ચોંકાવનારી ઘટના સામે આવી છે. જ્યાં 43 વર્ષીય મહિલા પૂજા જૈને એક બિલ્ડિંગના પાંચમા માળેથી કૂદીને આત્મહત્યા કરી લીધી. આ ઘટના ત્યારે બની જ્યારે તેમના પતિ અરુણ કુમાર જૈન તેમની ઓફિસ ગયા હતા. એવું કહેવામાં આવી રહ્યું છે કે પૂજા જૈન છેલ્લા કેટલાક દિવસોથી અત્યંત ધાર્મિક અને આધ્યાત્મિક પ્રવૃત્તિઓમાં સામેલ હતી.

આ મહિલાએ ભગવાનને મળવાની ઇચ્છા વ્યક્ત કરીને પાંચમા માળેથી કૂદીને આત્મહત્યા કરી હતી. પોલીસને એક સુસાઈડ નોટ મળી હતી જેમાં તેણે ભગવાનને આત્મસમર્પણ કરવાનું લખ્યું હતું. આ મામલો ધાર્મિક શ્રદ્ધા અને માનસિક સ્થિતિ સાથે સંબંધિત હોવાનું કહેવાય છે.

આ પણ વાંચોઃ VIDEO : એરપોર્ટ પર આર્મી ઓફિસરે 4 કર્મચારીઓના જડબાં તોડ્યાં, કમર ભાંગી નાખી, ચોંકાવનારુ કારણ

સ્યૂસાઇડ નોટમાં પૂજાએ લખ્યું હતું કે તે ભગવાનને મળવા માટે પોતાનું બલિદાન આપી રહી છે. સુસાઈડ નોટમાં પૂજાએ સ્પષ્ટતા કરી હતી કે તેણે આ પગલું પૂર્ણ શ્રદ્ધા અને ભક્તિ સાથે લીધું હતું જેથી તે ભગવાનની નજીક પહોંચી શકે. પડોશીઓના જણાવ્યા મુજબ, પૂજાએ તાજેતરમાં ધ્યાન, પૂજા અને ધાર્મિક ગ્રંથોમાં ઊંડો રસ લેવાનું શરૂ કર્યું હતું. તે ઘણીવાર કહેતી હતી કે તે હવે સાંસારિક જીવનમાંથી મુક્તિ ઇચ્છે છે અને ભગવાનનો આશ્રય લેવા માંગે છે.

પોલીસે મૃતદેહને કસ્ટડીમાં લઈ પોસ્ટમોર્ટમ માટે મોકલી આપ્યો છે અને કેસની તપાસ ચાલુ છે. હાલમાં, કોઈ કાવતરું કે માનસિક બીમારીની શંકા નથી, પરંતુ પોલીસ દરેક પાસાની તપાસ કરી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ