બ્રેકિંગ ન્યુઝ
બ્રેકિંગ ન્યુઝ
9 ફોટો ગેલેરી
Last Updated: 08:17 AM, 15 June 2026
FOLLOW ON
શેર કરો
1/9
ગુજરાત સહિત દેશના અનેક રાજ્યોમાં આગામી દિવસોમાં હવામાનમાં મોટો ફેરફાર જોવા મળી શકે છે. એક તરફ ગરમી અને ઉકળાટમાં વધારો થવાની શક્યતા છે, તો બીજી તરફ કેટલાક વિસ્તારોમાં વરસાદ અને તેજ પવનનું એલર્ટ પણ આપવામાં આવ્યું છે. હવામાન વિભાગે તાપમાનમાં 4થી 6 ડિગ્રી સુધી વધારાની સાથે અનેક રાજ્યો માટે ખાસ ચેતવણી જાહેર કરી છે.
આ તસવીર શેર કરો
2/9
છેલ્લા કેટલાક દિવસોથી લોકોને ગરમીમાંથી થોડી રાહત મળી હતી પરંતુ હવે ફરી એકવાર તાપમાનમાં વધારો થવાની શક્યતા છે. ભારતીય હવામાન વિભાગ (IMD) મુજબ આગામી દિવસોમાં તાપમાન 4થી 6 ડિગ્રી સેલ્સિયસ સુધી વધી શકે છે. જેના કારણે દેશના અનેક વિસ્તારોમાં ગરમીનો અનુભવ વધુ થશે. ખાસ કરીને ઉત્તર અને મધ્ય ભારતના વિસ્તારોમાં તેની અસર જોવા મળશે. હવામાન વિભાગે સ્પષ્ટ કર્યું છે કે હાલ લૂ જેવી પરિસ્થિતિ સર્જાવાની શક્યતા નથી. જોકે હવામાં ભેજનું પ્રમાણ વધવાથી ઉકળાટભરી ગરમી લોકોને પરેશાન કરી શકે છે. બહાર નીકળતા લોકો વધુ પરસેવો અનુભવશે અને અસ્વસ્થતા વધી શકે છે. તાપમાન ભલે થોડું નિયંત્રણમાં રહે પરંતુ ભેજના કારણે ગરમી વધુ લાગશે.
આ તસવીર શેર કરો
3/9
રાજ્યના ખેડૂતો આતુરતાથી જેની રાહ જોઈ રહ્યા છે તેવા ચોમાસાને લઈને હવામાન વિભાગે થોડા નિરાશાજનક સમાચાર આપ્યા છે. અલનીનોની અસર અને નબળા મોનસૂન ફ્લોના કારણે આ વર્ષે ગુજરાતમાં વિધિવત ચોમાસાની એન્ટ્રીમાં વિલંબ થશે. જોકે, રાહતની વાત એ છે કે પાકિસ્તાન અને રાજસ્થાન પર સર્જાયેલી સાયક્લોનિક સિસ્ટમના કારણે આગામી 7 દિવસ સુધી રાજ્યના અલગ-અલગ વિસ્તારોમાં હળવાથી મધ્યમ વરસાદ પડવાની આગાહી કરવામાં આવી છે, જેનાથી ગરમીમાં આંશિક રાહત મળશે.
આ તસવીર શેર કરો
4/9
પંજાબ, હરિયાણા, રાજસ્થાન અને દિલ્હી સહિતના ઉત્તર ભારતના રાજ્યોમાં મહત્તમ તાપમાન 40 ડિગ્રી સેલ્સિયસથી વધુ રહી શકે છે. ગરમીના કારણે દિવસ દરમિયાન બહાર નીકળવું મુશ્કેલ બની શકે છે. હવામાન નિષ્ણાતોએ બપોરના સમયે સાવચેતી રાખવાની સલાહ આપી છે. વૃદ્ધો અને બાળકોને ખાસ ધ્યાન રાખવાની જરૂર રહેશે.
આ તસવીર શેર કરો
5/9
મધ્ય ભારતના વિદર્ભ, મરાઠવાડા, મધ્ય પ્રદેશ અને ઓડિશાના કેટલાક વિસ્તારોમાં ગરમીનો પ્રભાવ વધુ જોવા મળી શકે છે. આગામી દિવસોમાં અહીં હીટવેવની સ્થિતિ સર્જાય તેવી શક્યતા વ્યક્ત કરવામાં આવી છે. સતત વધતા તાપમાનને કારણે જનજીવન પર અસર પડી શકે છે. ખેડૂતો અને મજૂરો માટે પણ મુશ્કેલીઓ વધી શકે છે.
આ તસવીર શેર કરો
6/9
દિલ્હી-એનસીઆરમાં આજે આંશિક વાદળછાયું વાતાવરણ રહેવાની આગાહી છે. બપોર બાદ અથવા સાંજના સમયે ગાજવીજ સાથે હળવો વરસાદ પડી શકે છે. વીજળી પડવાની પણ શક્યતા હોવાથી લોકોને સાવચેત રહેવાની સલાહ આપવામાં આવી છે. અહીં મહત્તમ તાપમાન 38થી 40 ડિગ્રી અને લઘુત્તમ તાપમાન 25થી 27 ડિગ્રી વચ્ચે રહી શકે છે.
આ તસવીર શેર કરો
7/9
ઉત્તર પ્રદેશ, બિહાર, મધ્ય પ્રદેશ, રાજસ્થાન, પશ્ચિમ બંગાળ, સિક્કિમ, મેઘાલય અને નાગાલેન્ડમાં વરસાદ પડવાની શક્યતા છે. કેટલાક વિસ્તારોમાં ગાજવીજ સાથે વરસાદ થઈ શકે છે. વરસાદને કારણે લોકોને ગરમીમાંથી થોડોક રાહત મળી શકે છે. જોકે કેટલાક સ્થળોએ ભારે વરસાદ પણ પડી શકે છે.
આ તસવીર શેર કરો
8/9
કેરળ, કર્ણાટક સહિત દક્ષિણ ભારતના અનેક વિસ્તારોમાં હળવાથી મધ્યમ વરસાદની આગાહી કરવામાં આવી છે. ચોમાસું ધીમે-ધીમે આગળ વધી રહ્યું હોવાથી વરસાદી પ્રવૃત્તિમાં વધારો જોવા મળી રહ્યો છે. ખેડૂતો માટે આ વરસાદ લાભદાયક સાબિત થઈ શકે છે. આગામી દિવસોમાં વધુ વિસ્તારોમાં ચોમાસું સક્રિય બનવાની સંભાવના છે.
આ તસવીર શેર કરો
9/9
હવામાન વિભાગે કેટલાક રાજ્યોમાં વાવાઝોડા અને તેજ પવનની ચેતવણી પણ આપી છે. વરસાદી વિસ્તારોમાં પવનની ઝડપ 60થી 80 કિમી પ્રતિ કલાક સુધી પહોંચી શકે છે. પશ્ચિમ બંગાળના પહાડી વિસ્તારો અને સિક્કિમમાં ભારેથી અતિભારે વરસાદની શક્યતા વ્યક્ત કરવામાં આવી છે. લોકોને સાવચેત રહેવા અને જરૂરી હોય ત્યારે જ બહાર નીકળવાની સલાહ આપવામાં આવી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
