ઈન્દોર / કવિતા ચાલી ગઈ ! આખા હાથ પર સુસાઈડ નોટ લખીને કર્યો પર્દાફાશ, સનસનાટી મચાવે તેવી ઘટના

આડાસંબંધોને કારણે એક મહિલાએ હાથ પર સુસાઈડ નોટ લખીને પતિ અને તેની ગર્લફ્રેન્ડને ખુલ્લા પાડ્યાં હતા. આ ચકચારી ઘટના એમપીના ઈન્દોરમાં બની છે. 
ઈન્દોરમાં એક મહિલાએ પોતાના પતિના કથિત આડા-સંબંધોને કંટાળીને આત્મહત્યા કરી લીધી હતી. આપઘાત કરનારી મહિલાએ હાથ પર સુસાઈડ નોટ લખીને પોતાના મોત માટે પ્રેમિકાને જવાબદાર ગણી હતી. પોલીસે મૃતક મહિલાની લાશને પોસ્ટમોર્ટમ માટે મોકલી આપી કેસની તપાસ શરૂ કરી દીધી છે.

શું બની હતી ઘટના 
આત્મહત્યા કરતા પહેલા મહિલાએ પહેલા જ આખી સુસાઇડ નોટ લખી હતી. તેમાં તેણે પોતાના પતિની ગર્લફ્રેન્ડનું નામ પણ લખ્યું છે અને પોતાના મોત માટે સીધી તેને જવાબદાર માની છે. એડિશનલ ડીસીપી રાજેશ દાંડોટિયાના જણાવ્યા અનુસાર, તેજાજી નગરમાં રહેતી કવિતા પાટિલ (40)એ બુધવારે સિલ્વર સ્પ્રિંગ વિસ્તારમાં પોતાના ઘરમાં ગળે ફાંસો ખાઇને આત્મહત્યા કરી લીધી હતી. આત્મહત્યા કરતા પહેલા કવિતાએ પોતાના સામેના હાથ પર સુસાઈડ નોટ લખી છે. સુસાઇડ નોટમાં તેણે પતિ પંકજ પાટીલ અને તેની ગર્લફ્રેન્ડ નમ્રતાનું નામ લખીને બંને વચ્ચેના સંબંધોનો ઉલ્લેખ કરીને જણાવ્યું હતું કે બંને લાંબા સમયથી પ્રેમમાં છે.

કોણ છે પતિની ગર્લફ્રેન્ડ
આપઘાત કરનાર મહિલાએ પતિની પ્રેમિકાનું નામ નમ્રતા લખ્યું છે. નમ્રતા ન્યુટ્રિશન ડાયેટિશિયન છે જ્યારે તેનો પતિ પંકજ પાટિલ પીથમપુરની એક ખાનગી ફેક્ટરીમાં કામ કરે છે. આત્મહત્યા કરી ત્યારે કવિતા ઘરમાં એકલી હતી. કવિતાના લગ્ન થોડા વર્ષો પહેલા ઈન્દોરના રહેવાસી પંકજ પાટિલ સાથે થયા હતા. કવિતાને બે છોકરો અને એક છોકરી છે. 
ઘટના સમયે તેની એક દીકરી સ્કૂલે ગઈ હતી અને પતિ પણ ઘરકામ માટે બહાર ગયો હતો. આ ઘટના બાદ પોલીસે કવિતાના આરોપી પતિ પંકજ અને તેની પ્રેમિકા નમ્રતા વિરુદ્ધ આઈપીસીની કલમ 306 હેઠળ કેસ નોંધીને ધરપકડ કરી છે. પોલીસે બંનેની પૂછપરછ કરી આગળની કાર્યવાહી હાથ ધરી છે.