લો બોલો ! / આ ગામમાં કરાર પર મળે છે પત્ની, આપવું પડે છે ભાડુ, નહીંતર ફરી વેચાણ

દેશ અને દુનિયામાં આજે પણ કેટલીક એવી પ્રથા છે કે જાણીને પણ આંચકો લાગે. તમને સાંભળવામાં થોડું અજુગતું લાગશે પણ આ સત્ય છે. મધ્યપ્રદેશના શિવપુરી જિલ્લામાં 'ધડીચા' નામની પરંપરા છે, જે અંતર્ગત આજે પણ અપરિણીત છોકરીઓથી લઈને પરિણીત મહિલાઓને એક નિશ્ચિત રકમના ભાડા પર પત્ની તરીકે લઈ જવામાં આવે છે. આ માટે સ્ટેમ્પ પેપર પર કરાર પણ કરવામાં આવે છે. જેને લોકો એગ્રીમેન્ટ મેરેજ અથવા ભાડે રાખેલી પત્ની કહે છે. આવો જાણીએ શું છે આ પ્રથા અને શા માટે મહિલાઓને ભાડે રાખેલી પત્ની તરીકે મોકલવામાં આવે છે.

દર વર્ષે બજાર ભરાય

ધડીચા પરંપરા મુજબ દર વર્ષે નિયત સમયે બજાર ભરાય છે. આમાં પુરૂષ ખરીદદારો દૂર દૂરથી આવે છે. અહીં કુંવારી છોકરીઓ ઉપરાંત પરિણીત મહિલાઓની પણ હરાજી થાય છે. ખરીદદારો ચોક્કસ સમયગાળા માટે છોકરીઓ અથવા સ્ત્રીઓને તેમની પત્ની તરીકે લે છે. આ માટે યોગ્ય કરાર કરવામાં આવે છે. એક વર્ષ માટે ખરીદદારોને પસંદગીની મહિલા આપતા પહેલા, બંને પક્ષો વચ્ચે એક વર્ષ માટે યોગ્ય કરાર તૈયાર કરવામાં આવે છે. આ માટે બંને પક્ષો 10 રૂપિયાથી લઈને 100 રૂપિયા સુધીના સ્ટેમ્પ પર સહી કરે છે. કરારની શરતો લખેલી છે, તે પછી જ છોકરીઓને સોંપવામાં આવે છે.

વધુ વાંચો : એક લગ્ન આવાં પણ! બોસે રજા ન આપી તો દુલ્હાએ કર્યું 'અજીબોગરીબ' કામ

મહિલા ગમે ત્યારે કરાર રદ્દ કરી શકે

જો કોઈ પુરૂષ એક વર્ષના કરાર પર જતી મહિલાઓને લાંબા સમય સુધી રાખવા માંગે છે, તો વધારાના પૈસા ચૂકવીને કરાર રિન્યુ કરવામાં આવે છે. આ પરંપરા હેઠળ છોકરા અને છોકરીના લગ્ન કરાવવા જરૂરી છે. ધડીચા પ્રથામાં મહિલાઓને કરાર તોડવાનો અધિકાર આપવામાં આવ્યો છે, જે આ પ્રથાનું એક અનોખું પાસું છે. આ હેઠળ જો મહિલાને વધુ સારી ઓફર મળે છે અથવા તે ભાડે લેનાર વ્યક્તિથી અસંતુષ્ટ છે, તો તે કરાર રદ્દ કરવાનો નિર્ણય લઈ શકે છે. કરાર તોડવા માટે મહિલાએ સ્ટેમ્પ પેપર પર એફિડેવિટ આપવું પડશે, જેમાં તે કરાર રદ્દ કરવા માંગે છે તેવો ઉલ્લેખ છે. આ પછી તેણે અગાઉ આપેલી રકમ પરત કરવી પડશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ