ન્યૂઝ અપડેટ્સ
ન્યૂઝ અપડેટ્સ
VTV / લાઈફસ્ટાઈલ / તમારા કામનું / હોટેલના જૂના ટુવાલનું શું થાય છે? કચરામાં નથી જતા, સફાઈથી લઈને દાન અને રિસાયક્લિંગ સુધી આ રીતે થાય છે ફરી ઉપયોગ
5 ફોટો ગેલેરી
Last Updated: 05:40 PM, 20 September 2026
FOLLOW ON
શેર કરો
1/5
હોટલના રૂમમાં રોકાયા દરમિયાન બાથરૂમમાં રાખેલો સફેદ, જાડો અને મુલાયમ ટુવાલ દરેક ગેસ્ટનું ધ્યાન ખેંચે છે. પરંતુ સતત ઉપયોગ અને વારંવાર વોશિંગને કારણે સમય જતાં આ ટુવાલ પાતળા થઈ જાય છે, તેમની ચમક ઘટે છે અને પાણી શોષવાની ક્ષમતા ઓછી થઈ જાય છે. આવી સ્થિતિમાં હોટલ મેનેજમેન્ટ તેને ગેસ્ટ યુઝમાંથી હટાવી લે છે. પરંતુ શું તમે ક્યારેય વિચાર્યું છે કે આ જૂના ટુવાલનું પછી શું થાય છે?
આ તસવીર શેર કરો
2/5
'ક્લીન ઈન્ડિયા જર્નલ' અને સુનવે હોટલ્સ એન્ડ રિસોર્ટ્સ (Sunway Hotels & Resorts) ના સસ્ટેનેબિલિટી અહેવાલ મુજબ, હોટલમાંથી નકામા જાહેર કરાયેલા ટુવાલની ઉપયોગિતા પૂરી થતી નથી. જો કાપડ સારી સ્થિતિમાં હોય, તો તેને કાપીને હોટલના આંતરિક વપરાશ માટે હાઉસકીપિંગ ડસ્ટર, સફાઈના કપડાં અથવા મેન્ટેનન્સ અને પેઈન્ટિંગ દરમિયાન પ્રોટેક્ટિવ કવર તરીકે વાપરવામાં આવે છે.
આ તસવીર શેર કરો
ADVERTISEMENT
3/5
તમામ હોટલ્સની પોલિસી અલગ-અલગ હોય છે. 'વોશિંગ્ટન પોસ્ટ' ના એક રિપોર્ટ અનુસાર, હિલ્ટન (Hilton) જેવી ગ્લોબલ હોટલ ચેઈન પોતાના જૂના કોટન અને ટેરી લિનેન પ્રોડક્ટ્સને જરૂરિયાતમંદો માટેના શેલ્ટર હોમ્સ, અનાથાશ્રમો અથવા એનિમલ શેલ્ટર્સ (પ્રાણીસંગ્રહાલયો) માં દાન કરી દે છે, જ્યાં તેનો ઉપયોગ પથારી કે સફાઈ માટે થાય છે.
આ તસવીર શેર કરો
4/5
જ્યારે ટુવાલ સાવ ઘસાઈ જાય અને તેનો સીધો ઉપયોગ શક્ય ન રહે, ત્યારે ટેક્સટાઈલ રિસાયકલિંગનો વિકલ્પ અપનાવવામાં આવે છે. ભારતમાં પણ 'ReWeave360' જેવી સંસ્થાઓ હોટલ અને હોસ્પિટલોમાંથી નીકળતા જૂના કાપડને એકત્રિત કરીને તેને પ્રોસેસ કરે છે. પ્રોસેસિંગ બાદ તેમાંથી નીકળતા ફાઈબરનો ઉપયોગ અન્ય ઔદ્યોગિક કાપડ કે બનાવટોમાં થાય છે.
આ તસવીર શેર કરો
ADVERTISEMENT
5/5
આમ હોટલના બાથરૂમમાંથી હટાવ્યા પછી પણ એક ટુવાલની લાઇફ-સાયકલ ચાલુ રહે છે. આગામી વખતે જ્યારે તમે હોટલનો મુલાયમ ટુવાલ વાપરો, ત્યારે યાદ રાખજો કે તેની પાછળ પુનઃવપરાશ, દાન અને રિસાયકલિંગનું એક અદ્ભુત મેનેજમેન્ટ છુપાયેલું છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
