આગાહી / આ વિસ્તારોમાં 40 કિમીની ઝડપે પવન, ગાજવીજ-કરા સાથે વરસાદ, અંબાલાલ પટેલની આગાહી

રાજ્યના ખેડૂતો માટે ફરી એક વખત આકાશી આફતના એંધાણ દેખાઈ રહ્યા છે. હવામાન નિષ્ણાત અંબાલાલ પટેલે તાજેતરમાં માવઠાની આગાહી કરી છે, જેને કારણે ખેતી કરતા ખેડૂતોમાં ચિંતા ફેલાઈ છે.

પાકને નુકસાન થવાની શક્યતા

હવામાન વિભાગના અનુમાન મુજબ પ્રિ-મોન્સુન એક્ટિવિટીના કારણે આજથી રાજ્યના અનેક વિસ્તારોમાં વાતાવરણમાં પલટો જોવા મળી શકે છે. ખાસ કરીને ઉત્તર ગુજરાત અને કચ્છ વિસ્તારમાં પવનની ગતિ 40 કિમી પ્રતિ કલાક સુધી પહોંચી શકે છે, જેનાથી પાકને નુકસાન થવાની શક્યતા છે.

ગાજવી સાથે વરસાદ તેમજ કરા પડવાની શક્યતા

કેટલાક વિસ્તારોમાં ગાજવીજ સાથે વરસાદ તેમજ કરા પડવાની પણ શક્યતા વ્યક્ત કરવામાં આવી છે. સૌરાષ્ટ્રના ભાગોમાં પણ હવામાનમાં અચાનક ફેરફાર આવી શકે છે, જે ખેડૂતો માટે ચિંતાજનક બની શકે છે.

આ પણ વાંચોઃ ગાંધીનગર, આણંદ-ખેડામાં ગાજવીજ સાથે ભારે વરસાદ, વંટોળ સાથે ધૂળની ડમરીઓ ઉડી

અમદાવાદ અને ગાંધીનગરમાં પણ હળવાથી મધ્યમ વરસાદ પડી શકે

રાજ્યના મોટા શહેરો જેમ કે અમદાવાદ અને ગાંધીનગરમાં પણ હળવાથી મધ્યમ વરસાદ પડી શકે છે. હવામાનના આ બદલાવને ધ્યાનમાં રાખીને નિષ્ણાતોએ ખેડૂતોને સાવચેત રહેવા, પાકની સુરક્ષા માટે જરૂરી પગલાં લેવા અને તાત્કાલિક અસરકારક વ્યવસ્થા કરવાની સૂચના આપી છે. આવતા દિવસોમાં હવામાનની સ્થિતિ પર નજર રાખવી અત્યંત જરૂરી બની છે, કારણ કે આ પ્રકારના માવઠા ખેડૂતો માટે નુકસાનકારક સાબિત થઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ