ન્યાયિક / 'ધજ્જિયાં ઉડાવી દઈશું', સુપ્રીમ કોર્ટે બાબા રામદેવની માફી સ્વીકારવાનો ઈન્કાર કરતાં કહ્યાં આકરા વેણ

યોગગુરુ બાબા રામદેવની કંપની પતંજલિની ગેરમાર્ગે દોરતી જાહેરખબરોના કેસમાં સુનાવણી કરતાં સુપ્રીમ કોર્ટે બાબા રામદેવ માટે બહું આકરા વેણ વાપર્યાં હતા. 
રામદેવ અને બાલકૃષ્ણ દ્વારા કંપનીની ગેરમાર્ગે દોરતી જાહેરાતો માટે દાખલ કરવામાં આવેલી માફીના અન્ય એક સેટને નકારી કાઢતા, સુપ્રીમ કોર્ટે આજે કહ્યું હતું કે "અમે આંધળા નથી" અને અમે આ કેસમાં દયા દાખવવા માગતા નથી. કોર્ટે આટલા લાંબા સમય સુધી પતંજલિ વિરુદ્ધ કાર્યવાહી ન કરવા બદલ ઉત્તરાખંડ લાઇસન્સિંગ ઓથોરિટીની ઝાટકણી કાઢી હતી, અને એ પણ નોંધ્યું હતું કે તે આ મામલે કેન્દ્રના જવાબથી સંતુષ્ટ નથી.

વધુ વાંચો : 'ત્રણ વાર અમારા આદેશોની કરી અવગણના, હવે...', પતંજલિ કેસમાં સુપ્રીમ કોર્ટનું સખ્ત વલણ

જાણીજોઈને ઉલ્લંઘન કરવામાં આવ્યું 
જસ્ટિસ હિમા કોહલી અને જસ્ટિસ એ અમાનુલ્લાહની બેન્ચે કહ્યું કે, અમે આને સ્વીકારવાનો ઇનકાર કરીએ છીએ, અમે તેને જાણી જોઈને કરવામાં આવેલા ઉલ્લંઘન સમાન માનીએ છીએ. કાર્યવાહીની શરૂઆતમાં ખંડપીઠે નોંધ્યું હતું કે રામદેવ અને બાલકૃષ્ણએ પહેલા મીડિયાને માફી મોકલી હતી. "જ્યાં સુધી આ મામલો કોર્ટમાં ન આવે ત્યાં સુધી, સમકાલીનોને અમને સોગંદનામું મોકલવાનું યોગ્ય લાગ્યું નહીં. તેઓએ પહેલા મીડિયાને મોકલ્યું, ગઈકાલે સાંજે 7.30 વાગ્યા સુધી તે અમારા માટે અપલોડ કરવામાં આવ્યું ન હતું. તેઓ સ્પષ્ટ રીતે પબ્લિસિટીમાં માને છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો