- RCBએ બે મેચમાં પહેલી વાર હારનો સામનો કરવો પડ્યો.
- કિંગ કોહલીની કિંગ ખાન સાથે મસ્તી.
- ઝૂમે જો પઠાન પર કર્યો મજેદાર ડાન્સ.
IPL 2023માં રોયલ ચેલેન્જર્સ બેંગ્લોર (RCB)ની ટીમે પહેલી વાર હારનો સામનો કરવો પડ્યો છે. કોલકત્તા નાઈટ રાઈડર્સ (KKR) ના સ્પિનર વરુણ ચક્રવર્તી, સુયશ શર્મા અને સુનિલ નારાયણ સામે RCBના ક્રિકેટર્સ ટકી શક્યા ન હતા. વિરાટ કોહલી, ગ્લેન મેક્સવેલ અને કેપ્ટન ફાફ ડુપ્લેસી જેવા ક્રિકેટર્સે સ્પિનર્સ સામે હારી ગયા. વિરાટ કોહલીએ 18 બોલ પર માત્ર 21 રન કર્યા હતા અને સુનિલ નારાયણ સામે બોલ્ડ થઈ ગયા હતા. RCBની હાર પછી વિરાટ કોહલી બોલીવુડ એક્ટર અને KKRના સહ માલિક શાહરૂખ ખાન સાથે મસ્તી કરતા જોવા મળ્યા હતા.
IPLની 9મી મેચમાં KKRએ RCBને 81 રનથી હરાવીને બે મેચમાં પહેલી વાર જીત મેળવી છે. RCBએ બે મેચમાં પહેલી વાર હારનો સામનો કરવો પડ્યો હતો. શાહરૂખ ખાન ઈડન ગાર્ડન્સ પહોંચ્યા હતા, જ્યાં વિરાટ કોહલી સાથે મુલાકાત કરી હતી. શાહરૂખ ખાનની ફરમાઈશ પર કોહલીએ ફિલ્મ પઠાનના ગીત ‘ઝૂમે જો પઠાન’ પર ડાન્સ કર્યો હતો. સોશિયલ મીડિયા પર આ વિડીયો ખૂબ જ વાયરલ થઈ રહ્યો છે.
શાર્દુલ ઠાકુરે 20 બોલમાં અડધી સદી ફટકારી
કોલકત્તા નાઈટ રાઈડર્સના શાર્દુલ ઠાકુરે 68 રન, રહમનુલ્લાહ ગુરબાજે 57 રન અને રિંકૂ સિંહે 46 રન ફટકાર્યા છે, જેની મદદથી KKRએ 20 ઓવરમાં 204 રન કર્યા હતા. જેની સામે RCBએ 20 ઓવરમાં માત્ર 123 રન કર્યા છે. RCBએ યોગ્ય બેટીંગ ના કરતા ખૂબ જ ખરાબ રીતે હારનો સામનો કરવો પડ્યો છે. કેપ્ટન ફાફ ડુપ્લેસીએ 23 રન જ્યારે વિરાટ કોહલીએ 21 રન કર્યા હતા.
KKRના સ્પિનરનો દબદબો
205 રનના લક્ષ્યાંકનો પીછો કરતા RCBએ માત્ર 54 રનમાં 4 વિકેટ ગુમાવી હતી. KKRના 3 સ્પિન બોલરે RCBની 9 વિકેટ ઝડપી હતી. સ્પિનર વરુણ ચક્રવર્તીએ 15 રન આપીને 4 વિકેટ ઝડપી હતી. સુયેશ શર્માએ આ મેચથી ડેબ્યુ કર્યું છે, જેમણે 30 રન આપીને 3 વિકેટ ઝડપી છે અને સુનિલ નારાયણે 16 રન આપીને 2 વિકેટ ઝડપી છે.
