તમારા કામનું / કાર ખરીદવી છે પણ કઈ? એક ક્લિકમાં જુઓ 10 લાખ રૂપિયા સુધીના બજેટની બેસ્ટ SUVનું લિસ્ટ

• હાલમાં ભારતીય ઓટોમોબાઈલ માર્કેટમાં SUVની ભારે માંગ છે. 
• 10 લાખ રૂપિયા સુધીની કિંમતમાં ઉપલબ્ધ એવી SUVનું લિસ્ટ. 

હાલમાં ભારતીય ઓટોમોબાઈલ માર્કેટમાં SUVની ભારે માંગ છે. છેલ્લા થોડા વર્ષોથી આ સેગમેન્ટની ગાડીઓ ઘણી લોકપ્રિય બની છે અને દેશમાં આ ગાડીને લઈને ઘણા વિકલ્પો પણ છે. વાસ્તવમાં, આ સેગમેન્ટની કારમાં ઉપલબ્ધ કેબિન સ્પેસ અને પાવરફુલ એન્જિનને કારણે લોકોને પસંદ આવે છે. 

એવામાં જો તમે પણ કાર ખરીદવાનું વિચારી રહ્યા છો તો આજે અમે તમારા માટે દેશમાં 10 લાખ રૂપિયા સુધીની કિંમતમાં ઉપલબ્ધ એવી SUVનું લિસ્ટ લાવ્યા છીએ. ચાલો તેના વિશે જાણીએ.

ટાટા પંચ (Tata Punch): કિંમત 6 લાખ રૂપિયાથી શરૂ 
Tata Punch દેશમાં ઉપલબ્ધ એક સસ્તી SUV છે. આ કારને Alpha-ARC પ્લેટફોર્મ પર બનાવવામાં આવ્યું છે. તેમાં ટાટા બ્રાન્ડની "હ્યુમેનિટી લાઇન" ગ્રિલ, LED DRL સાથે સ્પ્લિટ હેડલેમ્પ સેટઅપ, આકર્ષક બમ્પર અને ડ્યુઅલ-ટોન પેઇન્ટવર્ક છે. પંચમાં 1.2 લિટર 3-સિલિન્ડર, રેવોટ્રોન પેટ્રોલ એન્જિન આપવામાં આવ્યું છે. આ કારને ગ્લોબલ NCAP ક્રેશ ટેસ્ટમાં ફાઈવ સ્ટાર મળ્યા છે

Hyundai વેન્યુઃ કિંમત 7.94 લાખ રૂપિયાથી શરૂ 
Hyundai Venue એક કોમ્પેક્ટ સેગમેન્ટ SUV છે અને તેને દેશમાં ખૂબ પસંદ કરવામાં આવી રહી છે. ગયા વર્ષે, Hyundaiએ તેની આ કારને ADAS ટેક્નોલોજી સાથે અપડેટ કર્યું હતું. આ સાથે, વેન્યુ ADAS ટેક્નોલોજી મેળવનારી દેશની પ્રથમ સબ-કોમ્પેક્ટ SUV બની ગઈ છે. કંપનીએ આ કારમાં 1.0-લિટર ટર્બો પેટ્રોલ એન્જિનનો ઉપયોગ કર્યો છે. રૂફ રેલ્સ, ઇલેક્ટ્રોનિક ORVM અને નવા એલોય વ્હીલ્સ એસયુવીમાં જોવા મળે છે.  

કિયા સોનેટ: કિંમત 7.99 લાખ રૂપિયાથી શરૂ 
Kia Motors એ ભારતીય બજારમાં તેની Sonet ફેસલિફ્ટ લોન્ચ કરી હતી, જેમાં કંપનીએ આ કારનો લુક અપડેટ કર્યો છે. આ સાથે જ એડવાન્સ્ડ ડ્રાઇવિંગ આસિસ્ટન્સ ટેક્નોલોજી (ADAS)ને નવા સેફટી ફીચર તરીકે ઉમેરવામાં આવ્યા હતા. આ કારમાં 1.2-લિટર પેટ્રોલ એન્જિન, 1.0-લિટર ટર્બો-પેટ્રોલ એન્જિન અને 1.5-લિટર ડીઝલ એન્જિનનો વિકલ્પ છે. પેટ્રોલ એન્જિન 5-સ્પીડ મેન્યુઅલ સાથે જોડાયેલું છે, જ્યારે ટર્બો-પેટ્રોલ અને ડીઝલ એન્જિન 6-સ્પીડ iMT ગિયરબોક્સ સાથે જોડવામાં આવે છે.

મારુતિ સુઝુકી બ્રેઝા: કિંમત 8.29 લાખ રૂપિયાથી શરૂ 
મારુતિ સુઝુકીની આ કાર દેશમાં સૌથી વેચાતી SUVs માંથી એક છે. આ ગાડીની કિંમત પણ ઓછી છે અને તેમાં ડ્યુઅલ-પોડ પ્રોજેક્ટર હેડલેમ્પ સેટઅપ, નવી રૂફ રેલ્સ, નવા ડ્યુઅલ-ટોન ફ્રન્ટ અને રીઅર બમ્પર્સ અને નવી રેપ-અરાઉન્ડ LED ટેલલાઇટ્સ મળે છે. તેમાં 1.5-લિટર, K15C પેટ્રોલ એન્જિન આપવામાં આવ્યું છે. આ કારની કેબિનમાં સનરૂફ, ક્રૂઝ કંટ્રોલ, પેડલ શિફ્ટર્સ, સુઝુકી કનેક્ટ ટેલિમેટિક્સ ટેક્નોલોજી અને ખાસ ટચસ્ક્રીન ઇન્ફોટેનમેન્ટ સિસ્ટમ છે.

વધુ વાંચો: માત્ર 25 લોકો માટે આવી Royal Enfield ની આ બાઇક: કિંમત સવા ચાર લાખ રૂપિયા

Hyundai Exeter: કિંમત 6.13 લાખ રૂપિયાથી શરૂ 
Hyundai કંપનીની Exeter SUV દેશમાં ઉપલબ્ધ કંપનીની સૌથી સસ્તી SUV છે. આ વાહનનું વ્હીલબેઝ 2450mm છે, જે આ સેગમેન્ટમાં સૌથી વધુ છે. કારમાં 1.2-લિટર કપ્પા પેટ્રોલ એન્જિન છે. તેમાં કંપની-ફિટેડ CNG વેરિઅન્ટનો વિકલ્પ છે, જે 68bhpનો પાવર અને 95.2Nmનો ટોર્ક જનરેટ કરવામાં સક્ષમ છે. તેના દમદાર ફીચર્સને કારણે લોકોને આ ગાડી ઘણી પસંદ આવે છે.