હળાહળ કળયુગ / માતા પુત્રની પ્રેમીઓ જેવી લિપ લોક કિસવાળા વીડિયોથી હડકંપ, સરકારે YouTube સામે લીધું એક્શન

• યુટ્યૂબના ચેલેન્જ વીડિયોને કારણે બબાલ
• માતા અને પુત્રને વાંધાજનક હાલતમાં દર્શાવાયા છે
• બાળ કમિશને યૂટ્યુબના અધિકારીને સમન્સ પાઠવ્યું 

નેશનલ કમિશન ફોર પ્રોટેક્શન ઓફ ચાઇલ્ડ રાઇટ્સ (એનસીપીસીઆર) દ્વારા યુટ્યુબ ઇન્ડિયાના એક અધિકારીને સમન્સ પાઠવવામાં આવ્યું છે. આ સમન્સ 'ચેલેન્જ વીડિયો' સાથે મોકલવામાં આવ્યું છે. 'ચેલેન્જ વિડિઓઝ' એ વિડિઓઝ છે જેમાં એક વ્યક્તિ અથવા જૂથ બીજી વ્યક્તિને કંઈક મુશ્કેલ કરવા માટે પડકાર આપે છે. અને સામેવાળી વ્યક્તિ પણ કેમેરામાં કરે છે. ઘણી વખત આવા કિસ્સાઓમાં લોકો નિયમો અને કાયદાઓથી પણ આગળ વધી જાય છે.

NCPCR chief Priyank Kanoongo writes to Mira Chatt, YouTube's Head of Government Affairs & Public Policy, in lndia, asking her to appear before them in person on 15th January along with the list of all such challenges running on YouTube "portraying potentially indecent acts… pic.twitter.com/OyPUmt1389

— ANI (@ANI) January 10, 2024

વીડિયોને ભારતમાં ચાલવા નહીં દેવાય
યૂટ્યૂબ પર 'ચેલેન્જ વીડિયો' છે જેમાં પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સિસ (પોક્સો) એક્ટનો ભંગ કરવામાં આવ્યો છે. આ વીડિયોમાં માતા-પુત્ર વચ્ચે કિસિંગ કે લિપ-લોકિંગ જોવા મળે છે. એનસીપીસીઆરના વડા પ્રિયંક કાનુન્ગોએ આ વીડિયોની તુલના અશ્લીલ સામગ્રી સાથે કરી હતી જેમાં બાળકોનો સમાવેશ થાય છે.
એનસીપીસીઆરના વડાએ કહ્યું કે આવી સામગ્રીને ભારતમાં ચાલવા દેવામાં આવશે નહીં. યૂટ્યૂબ ઈન્ડિયાએ આના પર એક્શન લેવી પડશે. જો તેમ નહીં થાય તો તેના અધિકારીઓને જેલની હવા ખાવી પડી શકે છે. તેમણે વધુમાં જણાવ્યું હતું કે, આ કેસમાં યુટ્યુબ ઇન્ડિયાના સરકારી બાબતોના નીતિ વડાને વ્યક્તિગત સમન્સ મોકલવામાં આવ્યું છે. તેમને 15 જાન્યુઆરીએ તમામ વિગતો સાથે કમિશનમાં આવવા માટે કહેવામાં આવ્યું છે.

માતા-પુત્રનો વાંધાજનક વીડિયો બાળકોમાં જાતિય પ્રોત્સાહન આપે છે 
પ્રિયાંક કાનુન્ગોના જણાવ્યા અનુસાર, યુટ્યુબ પર ઉપલબ્ધ ઘણા વીડિયોમાં માતા અને પુત્ર વચ્ચેના સંબંધો પર વાંધાજનક સામગ્રી છે. આ વિડિઓઝ કિશોરવયના બાળકોમાં જાતીય ઉત્તેજનાને પ્રોત્સાહન આપે છે. તેમણે કહ્યું કે, આવી સામગ્રી બનાવવામાં સામેલ લોકો સામે કાર્યવાહી કરવામાં આવશે. અને એનસીપીસીઆર આવા તમામ લોકોને જેલમાં મોકલશે. આ સમયે યૂટ્યૂબ ઇન્ડિયા પાસે ખુલાસો માંગવામાં આવ્યો છે. તેમનો જવાબ આવ્યા બાદ આગળની કાર્યવાહી કરવામાં આવશે. એનસીપીસીઆરના વડાએ એમ પણ કહ્યું હતું કે, જો કોઇ પણ પ્લેટફોર્મ પર આવો વીડિયો બનાવશે તો તેને જેલમાં જવું પડશે.

શું છે વીડિયોમાં 
વીડિયોમાં માતા અને પુત્ર લિપ લોક કિસ કરતા જોવા મળ્યાં હતા. તેમણે પ્રેમીપંખીડા જેવી એક્ટિંગ કરીને યુટ્યૂબ પર ચેલન્જ વીડિયો બનાવ્યો હતો.