સુરત BRTS રૂટમાં અકસ્માતનાં કિસ્સામાં વધારો થઈ રહ્યો છે. BRTS રૂટમાં વધતા અકસ્માતનાં કેસને લઈ VTV NEWS દ્વારા રિયાલીટી ચેક કરવામાં આવ્યું હતું. જેમાં BRTS રૂટમાં વાહન ચાલકો બેફામ વાહન ચલાવતા નજરે પડી રહ્યા છે.
Share
સુરત BRTS રૂટમાં અકસ્માતનાં કિસ્સા વધારો
સુરત BRTSના વધતા અકસ્માત કેસને લઈને VTV NEWSનુ રિયાલીટી ચેક
BRTS બસના રૂટમાં લોકો બેફામ વાહનો ચલાવી રહ્યા છે
સુરતમાં લોકો BRTS રૂટ પર બેફામ વાહનો ચલાવી રહ્યા છે
તાજેતરમાં જ સુરતમાં બે BRTS બસો વચ્ચે અકસ્માત સર્જાયો હતો. જેમાં એક વ્યક્તિનું મોત નિપજ્યું હતું. જ્યારે અન્ય લોકો ઘાયલ થયા હતા. અકસ્માત સર્જાયા બાદ લોકો દ્વારા બસ ડ્રાયવરને માર માર્યો હોવાનું પણ જાણવા મળી રહ્યું હતું. ત્યારે BRTS રૂટમાં વધતા જતા અકસ્માતનાં કિસ્સાને લઈ VTV NEWS દ્વારા રિયાલીટી ચેક કરવામાં આવ્યું હતું. જેમાં BRTS રૂટમાં લોકો બેફામ વાહનો ચલાવી રહ્યા હોવાનું સામે આવ્યું હતું. તો ટુ વ્હીલરથી માંડી ફોર વ્હીલર તેમજ થ્રી વ્હીલર વાહન ચાલકો પણ બિદાસ્ત રીતે નિયમોની ઐસી તૈસી કરી બેફામ વાહન ચલાવી રહ્યા હતા. તો વાહન ચાલકો પણ બિંદાસ્ત કોઈ પણ જાતનાં ડર વગર BRTS રૂટમાં વાહન હંકારતા નજરે પડી રહ્યા છે. તો આ લોકો સામે ક્યારે કાર્યવાહી કરાશે તે એક પ્રશ્ન છે. BRTS રૂટમાં વાહન હંકારનાર સામે કાર્યવાહી ક્યારે?
BRTS રૂટમાં જીવનાં જોખમે ઘુસેલ વાહન ચાલક
BRTS બસ ચાલકો પણ બેફામ બસ હંકારી રહ્યા છે
તો બીજી તરફ વાહન ચાલકોની સાથે સાથે BRTS નાં બસ ચાલકો પણ બેફામ રીતે તેમજ મુસાફરોનો જીવ જોખમમાં મુકાય તે રીતે બસ બચાવતા વીડિયોમાં જોઈ શકાય છે. ત્યારે BRTS બસનાં ડ્રાયવરોને પણ કોઈ કહેનાર ન હોય તેમ નિયમો તોડીને અમુક જગ્યાએ સ્પીડ લીમીટ કરતા વધુ સ્પીડે BRTS બસ હંકારી રહ્યા છે. ત્યારે આ તમામ બાબતે જાણે વહીવટી તંત્રને કોઈ ચિંતા જ ન હોય તેમ કોઈ જ કાર્યવાહી હાથ ધરવામાં આવતી નથી.
આ વાહન ચાલોક દ્વારા માત્ર માથુ હલાવીને જ જવાબ આપ્યો કે નિયમ તો તોડ્યો જ છે
BRTS રૂટમાં વાહન ચલાવનાર વાહન ચાલકોને કાયદાનો ડર જ નહી
આ બાબતે VTV NEWS દ્વારા BRTS રૂટમાં વાહન ચલાવતા વાહન ચાલકોને BRTS રૂટમાં નિયમો નેવે મુકીને વાહન ચલાવવા બાબતે પૂછતા તમામ વાહન ચાલકો દ્વારા કંઈ પણ બોલવાનું ટાળ્યું હતું. એક બાઈક ચાલકને પૂછતા બાઈક ચાલકે માત્ર માથુ જ હલાવ્યું હતું. પણ જવાબ આપવાનું ટાળ્યું હતું.
