- વડોદરામાં અકસ્માતની ઘટનાઓ બાદ પણ ટ્રાફિક પોલીસ નિંદ્રામાં
- VTV NEWSના રિયાલિટી ચેકમાં ભારે વાહન ખુલ્લેઆમ ફરતા નજરે પડ્યા
- પોલીસ કમિશનરના જાહેરનામાનો ખુલ્લેઆમ થઈ રહ્યો છે ભંગ
- 2 મહિલાના મોત બાદ પણ ટ્રાફિક પોલીસ નિષ્ક્રિય જોવા મળી
વડોદરામાં અકસ્માતની ઘટનાઓ બાદ પણ ટ્રાફિક પોલીસ નિંદ્રામાં ઝડપાઈ છે. VTV NEWSના રિયાલિટી ચેકમાં વડોદરાનાં આ જ ચાર રસ્તા પર ભારે વાહન ખુલ્લેઆમ ફરતા નજરે પડ્યા કે જ્યાં ગઈકાલે રાત્રે 2 મહિલાઓનું ટ્રકથી ટક્કર થવાને લીધે મોત થયું હતું. આજે સવારથી જ પોલીસ કમિશનરના જાહેરનામાનો ખુલ્લેઆમ ભંગ થઈ રહ્યો હતો. 2 મહિલાના મોત બાદ પણ ટ્રાફિક પોલીસ નિષ્ક્રિય જોવા મળી હતી. શહેરમાં સવારે 7થી 1 અને સાંજે 4થી 8 વાગ્યા સુધી ભારે વાહન પર છે પ્રવેશ બંધી હોવા છતાં પણ ટ્રક અને અન્ય ભારે વાહનો શહેરમાં પ્રવેશી રહ્યાં હતાં. આ મામલે જ્યારે VTVનાં રિપોર્ટરે હેડકોનસ્ટેબલ સાથે વાત કરી ત્યારે પોલીસનો આ મુદે રવૈયો જોવા મળ્યો.
ગઈકાલે 2 મહિલાઓનું થયું હતું મોત
ગઈકાલે રાત્રે વડોદરાનાં અક્ષર ચોક પર ટ્રેકની ટક્કરે 2 મહિલાનાં મોત થયાં. તેમ છતાં આજે આ સ્થળ પર ટ્રાફિક સંચાલન માટે કોઈ જ સુવિધા નથી કરવામાં આવી. વાહન ચાલકો રોન્ગ સાઈડ પર આવી રહ્યાં છે.
VTV News અને હેડ કોનસ્ટેબલ વચ્ચેનો સંવાદ:
જ્યારે VTV દ્વારા હેડ કોનસ્ટેબલને સવાલ કરવામાં આવ્યો ત્યારે હેડ કોનસ્ટેબલે ગોળગોળ જવાબ આપ્યાં.
રિપોર્ટર: સાહેબ ભારે વાહનો પ્રવેશી રહ્યાં છે જાહેરનામાનો ભંગ થઈ રહ્યો છે તેમ છતાં શા માટે કોઈ કાર્યવાહી નથી કરવામાં આવી?
હેડ કોનસ્ટેબલ: ચાલુ જ છે...ચાલુ જ છે
રિપોર્ટર: સાહેબ અમે અહીં છેલ્લાં અડધા કલાકથી ઊભા છીએ..પોલીસ પણ નથી ને કોઈ કાર્યવાહી નથી
હેડ કોનસ્ટેબલ: ચાલુ જ છે... કાજ
રિપોર્ટર: અહીં 2 મહિલાઓનાં મોત થયાં સર..તેમ છતાં શા માટે કોઈ કાર્યવાહી નથી..
હેડ કોનસ્ટેબલ: કાર્યવાહી ચાલુ જ છે સર..
રિપોર્ટર: સાહેબ આ જે ટ્રક જઈ રહી છે એ શું આ આચારસંહિતાનો ભંગ છે?
હેડ કોનસ્ટેબલ: હા ભંગ છે..કાર્યવાહી ચાલુ જ છે.
રિપોર્ટર: સાહેબ આટલા બધાં વાહનો જઈ રહ્યાં છે...2 પોલીસ પહોંચી વળે છે?
હેડ કોનસ્ટેબલ: છે..છે.. માણસો છે
રિપોર્ટર: ક્યાં છે માણસો તો નથી...
હેડ કોનસ્ટેબલ: ઓય...
VTVનાં રિપોર્ટરે જાગૃતતા દાખવીને DCPને ફોન કર્યો હતો. VTV રિપોર્ટરે જણાવ્યું કે, "અમે છેલ્લાં અડધા કલાકથી અહીં ઊભા હતાં અને અહીં કોઈ પોલીસકર્મી નહોતાં. DCPને ફોન કરવો પડ્યો અને હવે અહીં પોલીસકર્મીઓ પહોંચ્યાં છે. ગઈકાલે 2 મહિલાઓએ પોતાનો જીવ ગુમાવ્યો છે. તેમ છતાં આજે પોલીસ ઊંઘતી ઝડપાઈ છે. ભારે વાહનો પર પ્રતિબંધ કરવાની જરૂર હતી. અમે જ્યારે DCPને ફોન કર્યો ત્યારે અહીં પોલીસ પહોંચી છે."
