- કોહલીએ 61 બોલ પર 101 રનની શાનદાર ઈનિંગ રમી
- કોહલીએ અનેક રેકોર્ડ નોંધાવ્યા
- વિરાટ કોહલીએ IPLમાં સાત સદી ફટકારી
વિરાટ કોહલીએ 61 બોલ પર 101 રનની શાનદાર ઈનિંગ રમી છે. વિરાટ કોહલીએ 13 ચોગ્ગા અને એક છગ્ગો ફટકાર્યો છે. મેચમાં હારી જવાને કારણે રોયલ ચેલેન્જર્સ બેંગ્લોર (RCB) IPLમાંથી બહાર થઈ ગઈ છે, પરંતુ કોહલીએ આ સીઝનમાં અનેક રેકોર્ડ નોંધાવ્યા છે.
વિરાટ કોહલીએ IPLમાં સાત સદી ફટકારી છે. તેમણે ક્રિસ ગેલને પણ પણ પાછળ છોડી દીધા છે. તમને જણાવી દઈએ કે, ક્રિસ ગેલે IPLમાં છ સદી ફટકારી છે. કોહલીએ બેંગલુરુના ચિન્નાસ્વામી સ્ટેડિયમમાં કુલ 4 સદી ફટકારી છે. આ સ્ટેડિયમમાં પણ સૌથી વધુ સદી ફટકારવાના મામલે પણ કોહલીના નામે રેકોર્ડ નોંધાયેલ છે.
વિરાટ કોહલીએ બેક ટૂ બેક બે IPL સદી ફટકારી છે. શુભમન ગિલે પણ સદી ફટકારી છે અને 104 રન કર્યા છે. આ બંને ખેલાડીએ સનરાઈઝર્સ હૈદરાબાદ સામે સદી ફટકારી હતી. વિરાટ કોહલી આ પ્રકારે કરનાર ખેલાડીઓના ક્લબમાં શામેલ થઈ ગયા છે. વર્ષ 2020માં શિખર ધવને સૌથી પહેલા બે સદી ફટકારી હતી અને વર્ષ 2022માં જોસ બટલરે બે સદી ફટકારી હતી.
વિરાટ કોહલીએ IPLમાં 57 અડધી સદી ફટકારી છે અને વોર્નરે 65 અડધી સદી ફટકારી છે. જેથી આ રેકોર્ડ બનાવવા બાબતે વિરાટ કોહલી માત્ર વોર્નરથી પાછળ છે. શિખર ધવને IPLમાં 52 અડધી સદી ફટકારી છે, જેથી ત્રીજા નંબર પર છે અને વિરાટ કોહલી બીજા નંબર પર છે.
વિરાટ કોહલીએ IPL 2023માં 103 મીટર દૂર છગ્ગો ફટકાર્યો હતો. સનરાઈઝર્સ હૈદરાબાદના બોલર નીતીશ કુમાર રેડ્ડીએ બોલિંગ કરતા કોહલીએ તેના બોલ પર આ છગ્ગો ફટકાર્યો છે. તમને જણાવી દઈએ કે, વિરાટ કોહલીના કરિઅરમાં સૌથી લાંબી સિક્સ છે.
IPLમાં 7,000થી વધુ રન કરવાના મામલે વિરાટ કોહલી એકમાત્ર ખેલાડી છે. તેમણે 237 મેચમાં 37.24ની એવરેજ અને 130.02 સ્ટ્રાઈક રેટથી 7,263 રન ફટકાર્યા છે. કોહલીએ આ સીઝનમાં ફાફ ડુ પ્લેસિસ સાથે 939 રનની પાર્ટનરશીપ કરી છે. આ પ્રકારે તેમણે એબી ડેવિલિયર્સ સાથે વર્ષ 2016માં 939 રનની પાર્ટનરશીપ કરવાના રેકોર્ડની બરાબરી કરી લીધી છે.
