ક્રિકેટ / વિરાટ કોહલીએ સામેથી કેપ્ટનશીપ છોડી હતી કે પછી હટાવી દેવાયો હતો? ગાંગુલીએ આખરે તમામ વિવાદો પર કર્યા મોટા ખુલાસા

• વિરાટ કોહલીએ છોડી હતી ટેસ્ટની કેપ્ટન્સી 
• બોર્ડ ન હતું તેના માટે તૈયાર 
• સૌરવ ગાંગુલીએ કર્યો તેના અંગે આ ખુલાસો 

વર્લ્ડ ટેસ્ટ ચેમ્પિયનશિપના ફાઈનલમાં ટીમ ઈન્ડિયાને મળેલી હારથી ખલબલી મચી ગઈ છે. ભારતને સતત બીજી વખત ફાઈનલમાં હાર મળી છે. આ હારની સાથે જ ઘણી જીતની વાતો પણ સામે આવી છે. આવો જ કોઈ ખુલાસો  BCCIના પૂર્વ બોસ સૌરવ ગાંગુલીએ એક ઈન્ટરવ્યૂમાં જણાવ્યું કે કઈ રીતે વિરાટ કોહલીએ જ્યારે ટેસ્ટની કેપ્ટન્સી છોડી હતી તો બોર્ડ તેના માટે તૈયાર ન હતું.  

શું કહ્યું ગાંગુલીએ? 
સૌરવ ગાંગુલીએ કહ્યું, "મેં રોહિત શર્માને ત્રણ ફોર્મેટમાં કેપ્ટન બનાવવવાનું સમર્થન આપ્યું હતું. ત્યાર બાદ વિરાટ કોહલીએ ટેસ્ટની કેપ્ટન્સીને છોડી દીધી. જોકે BCCI ઈચ્છે છે કે કોહલી ટેસ્ટની કેપ્ટન્સી પોતાની પાસે રાખી લે પરંતુ આમ ન થયું."

સૌરવ ગાંગુલીએ રોહિત શર્માની કપ્ટન્સીને લઈને કહ્યું, "મારૂ માનવું છે કે હાલના સમયમાં રોહિત શર્મા ત્રણ ફોર્મેટમાં કેપ્ટન્સીનો સારો વિકલ્પ છે. જોકે આ સિલેક્ટર્સનું કામ છે. વિરાટ કોહલીએ પોતે 2 વર્ષ પહેલા કેપ્ટન્સી છોડી હતી. જો તમે મને પુછશો કે ટીમ માટે શું યોગ્ય છે તો હું કહીશ કે કેપ્ટનની રીતે રોહિત શર્મા અને રાહુલ દ્રવિડ ટીમ માટે સૌથી યોગ્ય છે."

તેમણે આગળ કહ્યું, "મને લાગે છે કે રોહિત શર્મા અને રાહુલ દ્રવિડ આ વર્ષે થવા જઈ રહેલા વન ડે વિશ્વ કપ સુધી તો ટીમનું નેતૃત્વ કરશે જ જોકે મને એ નથી ખબર કે વિશ્વ કપ બાદ રોહિત શર્માની યોજના શું રહેશે પરંતુ આ સમયમાં રોહિત શર્મા અને રાહુલ દ્રવિડથી સૌથી સારૂ બીજુ કોઈ નથી."