- રૂપિયા 500 ની નોટને લઈને એક મેસેજ થયો વાયરલ
- ફૂદડી (*) વાળી રૂ. 500 ની નોટ નકલી હોવાનો દાવો
- આ વાયરલ થઈ રહેલો દાવો ખોટો હોવાનું સામે આવ્યું
સોશિયલ મીડિયા પર એક મેસેજ વાયરલ થઈ રહ્યો છે. મેસેજમાં દાવો કરવામાં આવ્યો છે કે જો તમારી પાસે ફૂદડી (*) વાળી 500 રૂપિયાની નોટ છે તો તે નકલી છે. પરંતુ હકીકતમાં આ દાવો ખોટો સાબિત થયો છે. ભારતીય રિઝર્વ બેંક (RBI) એ ડિસેમ્બર 2016 થી 500 રૂપિયાની નવી બેંક નોટોમાં સ્ટાર સિમ્બોલ (*) રજૂ કર્યું હતું. તેથી જો તમારી પાસે સ્ટાર સિમ્બોલવાળી નોટ હોય તો ગભરાશો નહીં. કારણ કે તે નકલી નથી. આ લેખ અન્ય લોકો સાથે પણ શેર કરો, જેથી સાચી માહિતી તેમના સુધી પણ પહોંચી શકે.
વાયરલ મેસેજમાં શું દાવો કરવામાં આવ્યો?
500 રૂપિયાની નોટની તસવીર સાથેનો એક મેસેજ સોશિયલ મીડિયા પર વાયરલ થઈ રહ્યો છે. આ મેસેજમાં લખ્યું છે- છેલ્લા 2-3 દિવસથી (*) સિમ્બોલવાળી આ 500ની નોટો બજારમાં દોડવા લાગી છે. આવી નોટ ગઈકાલે ઈન્ડસઈન્ડ બેંકમાંથી પરત કરવામાં આવી હતી. આ નકલી નોટ છે. આજે પણ એક મિત્રને એક ગ્રાહક પાસેથી આવી 2-3 નોટ મળી હતી, પરંતુ ધ્યાન ન હોવાને કારણે તેણે તરત જ પરત કરી દીધી હતી. ગ્રાહકે એમ પણ કહ્યું કે આ નોટ સવારે કોઈએ આપી હતી. તમે પણ ધ્યાન રાખો બજારમાં નકલી નોટો લઈને ફરનારાઓની સંખ્યામાં વધારો થયો છે.
તપાસમાં આ દાવો ખોટો નીકળ્યો
'PIB ફેક્ટ ચેક'એ ફેક મેસેજ શેર કરતા લખ્યું- શું તમારી પાસે સ્ટાર (*) વાળી નોટ છે? શું આ નકલી નથી? ગભરાશો નહીં!! આવી નોટો નકલી હોવાનો મેસેજ ફેક છે. આરબીઆઈએ ડિસેમ્બર 2016 થી નવી રૂ. 500 ની બેંક નોટોમાં સ્ટાર સિમ્બોલ (*) રજૂ કર્યું. PIB ફેક્ટ ચેક એ 'પ્રેસ ઇન્ફર્મેશન બ્યુરો'નું ફેક્ટ ચેકિંગ યુનિટ છે.
_0.jpg)
