મુંબઈ એરપોર્ટ પર વિરાટ કોહલી ખુશ નહીં પરંતુ ગુસ્સે દેખાયો
કેમેરાપર્સન પર ગુસ્સે ભરાયો કિંગ કોહલી
મારી દીકરી મારી સાથે છે મારે ઘરે વહેલું પહોંચવાનું છે
વર્લ્ડકપ 2023 તેના અંતિમ તબક્કામાં પહોંચી ગયું છે, માત્ર ત્રણ મેચ બાદ આખી દુનિયાને ખબર પડશે કોણ છે વર્લ્ડ ચેમ્પિયન? ટૂર્નામેન્ટની પ્રથમ સેમિફાઇનલ ભારત અને ન્યૂઝીલેન્ડ વચ્ચે 15 નવેમ્બરે મુંબઈના વાનખેડે સ્ટેડિયમમાં રમાશે, જેના માટે ટીમ ઈન્ડિયા મુંબઈ પહોંચી ગઈ છે. આ મેચમાં તમામની નજર વનડેમાં 49 સદી ફટકારનાર વિરાટ કોહલી પર રહેશે. આ સમયે તે મુંબઈ પણ પહોંચી ગયો છે.
પરંતુ મુંબઈ એરપોર્ટ પર વિરાટ કોહલી ખુશ નહીં પરંતુ ગુસ્સાથી ભરેલો જોવા મળ્યો હતો. તેનો એક વીડિયો પણ સોશિયલ મીડિયા પર વાયરલ થઈ રહ્યો છે, જેમાં તે ફોટોગ્રાફર્સ પર ગુસ્સે થતો જોવા મળી રહ્યો છે.
વિડીયોમાં જોવા મળે છે કે એરપોર્ટથી બહાર નીકળતી વખતે તે પહેલા કેમેરાપર્સનને ત્યાં જ ફોટો ક્લિક કરવા માટે અપીલ કરી રહ્યો છે પરંતુ તેને કારની નજીક ફોટો ક્લિક નહીં કરવા મળે. શરૂઆતમાં તે હળવાશથી વાત કરી રહ્યો હતો પરંતુ તરત જ કેટલાક કેમેરા પર્સન્સે તેનો ફોટો ક્લિક કરવાનો પ્રયાસ કર્યો, તે ગરમ થઈ ગયો અને કહ્યું, 'જલ્દી કરો, મારે ઘરે જવું છે.'
આ પછી તેણે ગુસ્સામાં કહ્યું, 'મારી દીકરી મારી સાથે છે મારે ઘરે વહેલું પહોંચવાનું છે, સવારનો સમય છે, હું ફોટો ખેંચાવવા નહીં ઉભું' અને આ પછી તે કેમેરા પર્સનને બાજુમાં ધકેલીને આગળ વધતો જોવા મળ્યો અને કોઈ પણ પ્રશ્નનો જવાબ પણ ન આપ્યો, જેના પર કેટલાક કેમેરા પર્સન્સે પણ કહ્યું કે, 'તેમને જવા દો.'
'પાંચ મિનિટ રાહ જોઈ હોત તો શું થાત?'
સોશિયલ મીડિયા પર વાયરલ થયેલા આ વીડિયો પર મિશ્ર પ્રતિક્રિયાઓ આવી રહી છે. કોઈએ વિરાટના વખાણ કર્યા છે તો કોઈ વિરાટને નમ્રતાથી વર્તન કરવાની સલાહ આપી રહ્યું છે. કોઈએ લખ્યું કે 'વિરાટે આટલું વલણ ન બતાવવું જોઈતું હતું, જો પાંચ મિનિટ રાહ જોઈ હોત તો શું થાત?' તો કોઈએ કહ્યું કે 'કેમેરા પર્સનને પણ વસ્તુઓ સમજવી જોઈએ.'
દીકરી વામિકાનો ચહેરો મીડિયાને બતાવવામાં આવ્યો ન હતો
તમને જણાવી દઈએ કે વિરાટ કોહલી અને અનુષ્કા શર્મા બંનેએ આજ સુધી પોતાની દીકરી વામિકાના ચહેરાને મીડિયાને બતાવ્યો નથી. આ માટે તેમણે અનેકવાર અપીલ પણ કરી છે. સોશિયલ મીડિયા પર લોકો એવું પણ કહી રહ્યા છે કે 'કદાચ વિરાટ એરપોર્ટ પર એકલો હોત તો તેણે કેમેરા પર્સનને ના ન પાડી હોત, પરંતુ આ વખતે તેનો પરિવાર તેની સાથે હતો, એટલે જ કદાચ તે આટલો ગુસ્સે થયો હતો.'
