- મધ્યપ્રદેશના પૂર્વ સીએમ ઉમા ભારતી બગડ્યાં
- ભોપાલમાં દારુની દુકાનમાં ઘૂસ્યા
- ઈંટમારો કરીને દારુની બોટલો તોડી નાખી
મધ્યપ્રદેશમાં દારુબંધી કરવા મેદાને પડેલા પૂર્વ સીએમ અને ભાજપના દિગ્ગજ નેતા ઉમા ભારતીએ ભોપાલમાં એક જબરો કાંડ કરીને ચર્ચામાં આવ્યાં છે. ઉમા ભારતી રવિવારે ભોપાલની એક દુકાનમાં ઘૂસી ગયા હતા અને ઈંટમારો કરીને દારુની બોટલો તોડી નાખી હતી. ખુદ ઉમા ભારતીએ આ ઘટનાનો વીડિયો શેર કર્યો હતો.
ખુદ વીડિયો ટ્વિટ કર્યો
વીડિયો શેર કરતા ઉમા ભારતીએ ટ્વિટ કરીને લખ્યું છે કે, ભોપાલના બરખેડા પઠાણી ઐઝાદ નગર ભેલમાં કામદારોના સેટલમેન્ટમાં દારૂની દુકાનોની કતાર લાગી છે. આ દુકાનો લોકોને દારૂ પીવડાવે છે. નજીકમાં મંદિરો છે, નાનાં બાળકોની શાળાઓ છે. જ્યારે છોકરીઓ અને મહિલાઓ છત પર ઉભી હોય છે, ત્યારે દારૂડિયાઓ અશ્લીલ હરકતો કરે છે.
કાર્યવાહી ન થતા ઉમા ભારતીએ જાતે ઉઠાવ્યું પગલું
ઉમાએ લખ્યું, મજૂરોની આખી કમાણી આ દુકાનોમાં જાય છે. રહીશો અને મહિલાઓએ વાંધા નોંધાવ્યા હતા, આ દુકાન સરકારની નીતિની વિરુદ્ધમાં હોવાથી વિરોધમાં ધરણાં કર્યા હતા, તેથી વહીવટીતંત્રે દર વખતે તેને બંધ કરવાની ખાતરી આપી હતી, પરંતુ ઘણા વર્ષો વીતી ગયા પછી પણ તે થઈ શક્યું નહીં. આજે મેં વહીવટીતંત્રને ચેતવણી આપી છે કે એક અઠવાડિયામાં દુકાન બંધ કરી દેવામાં આવે.
મધ્યપ્રદેશમાં ઉમાએ ઉઠાવી દારુબંધીની માગ
તમને જણાવી દઈએ કે મધ્યપ્રદેશના પૂર્વ મુખ્યમંત્રી ઉમા ભારતી ઘણા સમયથી રાજ્યમાં દારૂબંધીની માંગ કરી રહ્યા છે. તેમણે અગાઉ પણ અનેક વખત દારૂબંધી વિરુદ્ધ અભિયાન ચલાવવાનો પ્રયાસ કર્યો છે.
'આવા પથ્થરમારા માટે ગૃહમંત્રીની પરવાનગી માગી ?'
ઉમા ભારતીનો પથ્થરમારો એમપીમાં કોંગ્રેસના મીડિયા કો-ઓર્ડિનેટર નરેન્દ્ર સલુજાએ દારૂબંધીના વિરોધમાં પણ આવા જ પથ્થરમારા માટે નરોત્તમ મિશ્રા પાસે પરવાનગી માગી છે. તેમણે લખ્યું, "હું પણ દારૂબંધીની વિરુદ્ધ છું અને આવો જ વિરોધ પ્રદર્શન કરવા માંગુ છું."
