ટેક્નોલોજી / હવે નેટવર્ક વગર પણ થઈ શક્શે WhatsApp વિડીયો કોલિંગ! ગૂગલે બધાને ચોંકાવ્યા

Google તાજેતરમાં ભારત સહિત વૈશ્વિક બજારમાં તેની Pixel 10 સીરીઝ લોન્ચ કરી છે. Google આ ફોનમાં એક ઉપયોગી ફીચર આપ્યું છે. યુઝર્સ નેટવર્ક વગર પણ વોટ્સએપ દ્વારા ઓડિયો-વીડિયો કોલ કરી શકશે. ગૂગલની આ નવી સીરીઝ 28 ઓગસ્ટથી વેચાણ માટે ઉપલબ્ધ થશે. કંપનીએ દાવો કર્યો છે કે આ પહેલી સ્માર્ટફોન સીરીઝ છે જે નેટવર્ક વગર પણ વોટ્સએપ કોલિંગ ફીચર સાથે આવી રહી છે.

નેટવર્ક વગર પણ Audio Video calls

ગૂગલે તેની X પોસ્ટમાં જણાવ્યું હતું કે તાજેતરમાં લોન્ચ થયેલી Pixel 10 સિરીઝના યુઝર્સને ટૂંક સમયમાં WhatsApp દ્વારા વૉઇસ અને વીડિયો કૉલિંગ સુવિધા મળશે. યુઝર્સ સેટેલાઇટ કનેક્ટિવિટી સાથે WhatsApp પર આ સુવિધાનો લાભ લઈ શકશે. આ સુવિધા કટોકટી દરમિયાન યુઝર્સ માટે વરદાન સાબિત થશે. જો ફોનમાં નેટવર્ક કે Wi-Fi કનેક્ટિવિટી ન હોય તો પણ તેઓ સેટેલાઇટ દ્વારા WhatsApp ઑડિઓ અને વીડિયો કૉલિંગ કરી શકશે.

કંપનીએ પોતાની X પોસ્ટમાં જણાવ્યું હતું કે 28 ઓગસ્ટથી Pixel 10 સિરીઝમાં યુઝર્સને આ ફીચર મળવાનું શરૂ થશે. ગૂગલે પોતાની પોસ્ટમાં એક ટીઝર બતાવ્યું છે, જેમાં જોઈ શકાય છે કે સેટેલાઇટ કનેક્ટિવિટી સાથે ઓડિયો-વિડિયો કોલિંગ કરી શકાય છે. જો કે, આ ફીચર ફક્ત સેટેલાઇટ કનેક્ટિવિટી ધરાવતા ટેલિકોમ ઓપરેટરોના નેટવર્ક પર જ ઉપલબ્ધ રહેશે. ભારતમાં યુઝર્સને આ ફીચર માટે રાહ જોવી પડી શકે છે. ભારતમાં હજુ સુધી સેટેલાઇટ સેવા શરૂ થઈ નથી. જોકે, BSNL એ સોશિયલ મીડિયા પ્લેટફોર્મ પર સેટેલાઇટ સેવા અંગે ટીઝ કર્યું છે.

વધુ વાંચો: હવે ઘડપણ નહીં આવે અને રહેશો સદા યુવાન! AI વિકસાવ્યું ખાસ મોડલ

દુનિયાનો પહેલો ફોન

Google એ દાવો કર્યો છે કે pixel 10 સિરીઝ વિશ્વનો પહેલો ફોન હશે જે સેટેલાઇટ દ્વારા WhatsApp ઓડિયો અને વિડિયો કોલિંગ ઓફર કરશે. જોકે કંપનીએ આ ટેકનોલોજી કેવી રીતે કાર્ય કરશે તે સમજાવ્યું નથી. હાલમાં સેટેલાઇટ સર્વિસ દ્વારા યુઝર્સ નેટવર્ક વિનાના વિસ્તારોમાં ઓડિયો કોલિંગ અને SMS જેવી સુવિધાઓનો લાભ લઈ શકે છે. યુઝર્સ સેટેલાઇટ કનેક્ટિવિટીવાળા સુસંગત સ્માર્ટફોનમાં આ પ્રકારની સુવિધા મળે છે. જો કે આ સર્વિસ એ દેશોમાં પણ ઉપલબ્ધ છે જ્યાં સેટેલાઇટ સેવા શરૂ કરવામાં આવી છે.