તમારા કામનું / એમેઝોન પર 80 ટકા સસ્તા ભાવમાં ખરીદીનો મોકો, આ તારીખથી શરૂ થશે પ્રાઈમ ડે સેલ

Amazon Sale 2025: એમેઝોન પ્રાઇમ ડે સેલની તારીખો જાહેર કરવામાં આવી છે, સેલમાં સ્માર્ટફોન, ટેબ્લેટ, લેપટોપ, સ્માર્ટ ટીવી અને ઘરેલુ ઉપકરણો પર ભારે ડિસ્કાઉન્ટ મળશે. સેલ કયા દિવસથી શરૂ થશે, સેલ કેટલો સમય ચાલશે, સેલ દરમિયાન કયા ઉત્પાદનો ઓછા ભાવે ઉપલબ્ધ થશે? ચાલો તમને આ બધા પ્રશ્નો વિશે વિગતવાર માહિતી આપીએ.

Amazon Sale 2025: તમે ઘર માટે નવી વસ્તુઓ ખરીદવાનું વિચારી રહ્યા છો, તો વિશલિસ્ટ બનાવો કારણ કે આગામી એમેઝોન પ્રાઇમ ડે 2025 સેલની તારીખો જાહેર કરવામાં આવી છે. એમેઝોન પર શરૂ થતી કંપનીની આ વાર્ષિક સેલમાં, તમને સ્માર્ટફોન, ટેબ્લેટ, લેપટોપ, સ્માર્ટ ટીવી અને હોમ એપ્લાયન્સિસ સહિત ઘણી પ્રોડક્ટ્સ ઓછી કિંમતે મળશે. પ્રોડક્ટ્સ પર ડિસ્કાઉન્ટ ઉપરાંત તમે સેલ દરમિયાન વધારાના ડિસ્કાઉન્ટનો લાભ પણ લઈ શકશો.

એમેઝોન પ્રાઇમ ડે 2025 સેલ તારીખો

એમેઝોન પર આગામી સેલ માટેના બેનર પર નજર કરતાં કંન્ફર્મ થઈ છે કે સેલ 12 જુલાઈથી 11 જુલાઈના બપોરે 12 વાગ્યે શરૂ થશે. ત્રણ દિવસનો એમેઝોન સેલ 14 જુલાઈ રાત્રે 11:59 વાગ્યા સુધી લાઇવ રહેશે. ઉત્પાદનો પર ડિસ્કાઉન્ટ ઉપરાંત તમે વધારાના ડિસ્કાઉન્ટ માટે SBI, ICICI બેંક કાર્ડનો ઉપયોગ કરી શકો છો. બેંક કાર્ડ દ્વારા ચુકવણી કરવા પર વધારાનું 10% ડિસ્કાઉન્ટ ઉપલબ્ધ થશે.

એમેઝોન સેલ ઑફર્સ

પ્રાઇમ ડે સેલ માટે તૈયાર કરાયેલા પેજ પર નજર કરતાં એવું બહાર આવ્યું છે કે સેલ દરમિયાન પ્રાઇમ સભ્યો માટે 400 થી વધુ નવી પ્રોડક્ટ્સ લોન્ચ કરવામાં આવશે. આ ઉપરાંત મોબાઇલ અને એસેસરીઝ પર 40 ટકા સુધી, ઇલેક્ટ્રોનિક્સ અને એસેસરીઝ પર 80 ટકા સુધી, સ્માર્ટ ટીવી અને પ્રોજેક્ટર પર 65 ટકા સુધી, હોમ એપ્લાયન્સિસ પર 65 ટકા સુધી, એલેક્સા, ફાયર ટીવી અને કિન્ડલ પ્રોડક્ટ્સ પર 50 ટકા સુધી ડિસ્કાઉન્ટ આપવામાં આવશે. આ ઉપરાંત, સેલ દરમિયાન હજારો અન્ય પ્રોડક્ટ્સ સસ્તા ભાવે વેચાણ માટે ઉપલબ્ધ રહેશે.

આ પણ વાંચોઃ તમારા કામનું / ઘરે સોલાર પેનલ લગાવવા સરકાર આપે છે 78000 રૂપિયાની સબસિડી, આ રીતે કરો અરજી

પ્રાઈમ ડે માટે બનાવેલા પેજ મુજબ સેલ દરમિયાન સેમસંગ ગેલેક્સી S24 અલ્ટ્રા, વનપ્લસ 13s, iQOO Neo 10 અને સેમસંગ ગેલેક્સી બડ્સ 3 પ્રોની કિંમતોમાં ભારે ઘટાડો થશે. એમેઝોન સેલમાં ફક્ત આ મોડેલો જ નહીં, પરંતુ તમને ઘણા બધા સ્માર્ટફોન સસ્તા ભાવે મળશે. નોંધ લો કે પ્રાઇમ ડે સેલનો લાભ ફક્ત તે લોકો જ લઈ શકશે જેમની પાસે કંપનીની એમેઝોન પ્રાઇમ સભ્યપદ હશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ