તમારા કામનું / ઇન્સ્ટાગ્રામમાં મેપનું ફિચર આવ્યું, મિત્રો સાથે હવે લાઇવ લોકેશન કરી શકશો શેર

ઇન્સ્ટાગ્રામે પોતાના યુજર્સ માટે તેનું નવું 'મેપ' ફીચર લોન્ચ કર્યું છે, જે યુજર્સને મિત્રો સાથે રીઅલ-ટાઇમ લોકેશન શેર કરવાની મંજૂરી આપે છે. આ ફીચર ઓગસ્ટ 2025માં અમેરિકા અને કેનેડામાં ગ્લોબલ લોન્ચ થયું હતું, પરંતુ ભારતમાં તેને વધુ પ્રાઇવસી-ફોકસ્ડ સુધારાઓ સાથે રોલ આઉટ કરવામાં આવ્યું છે. સ્નેપચેટના પોપ્યુલર 'સ્નેપ મેપ' જેવું આ ફીચર ઇન્સ્ટાગ્રામને વધુ સોશિયલ અને ડિસ્કવરી-ઓરિએન્ટેડ બનાવે છે, જેમાં યુજર્સ લોકેશન-ટેગ્ડ પોસ્ટ, રીલ્સ, સ્ટોરીઝ અને નોટ્સ એક્સપ્લોર કરી શકે છે. આ ફીચરની મુખ્ય આકર્ષણીયતા રીઅલ-ટાઇમ કનેક્શન છે.

યુજર્સ DM ઇન્બોક્સના ટોપ પરથી મેપ ઓપન કરીને મિત્રોની છેલ્લી એક્ટિવ લોકેશન જોઈ શકે છે, હેંગઆઉટ સ્પોટ્સ શેર કરી શકે છે અને ટ્રેન્ડિંગ સ્થળો જેમ કે કેફે, પાર્ટીઝ કે ઇવેન્ટ્સ વિશે અપડેટ મેળવી શકે છે. ઉદાહરણ તરીકે, તમે તમારા મિત્રોના ટ્રાવેલ અપડેટ્સ, નજીકના ગેધરિંગ કે લોકલ કન્ટેન્ટને એક જ જગ્યાએ જોઈ શકો છો. ઇન્સ્ટાગ્રામના પ્રમુખ વિશ્લેષકો મુજબ, આ ફીચર યુજર્સને 'લાઇટ વે'માં કનેક્ટ કરવા માટે ડિઝાઇન કરાયું છે, જે સ્નેપચેટથી પ્રેરિત છે – જ્યાં લોકેશન શેરિંગ લાંબા સમયથી પોપ્યુલર છે. ભારત જેવા મોટા માર્કેટમાં, જ્યાં યુંગ યુજર્સની સંખ્યા 50 કરોડથી વધુ છે, આ ફીચર સ્થાનિક ઇવેન્ટ્સ અને સોશિયલ ગેધરિંગને વધુ વાઇરલ બનાવશે.

પરંતુ, આ ફીચરના લોન્ચ સાથે પ્રાઇવસીના મુદ્દાઓ પણ ઉભા થયા છે. ઘણા યુજર્સ અને નિષ્ણાતોનું કહેવું છે કે લોકેશન શેરિંગને કારણે યુવાનોને જોખમ થઈ શકે છે, કારણ કે તે તમારી ચોક્કસ સ્થિતિને પિનપોઇન્ટ કરે છે. અમેરિકામાં કોંગ્રેસ સભ્યોએ પણ આ માટે ચિંતા વ્યક્ત કરી છે. ઇન્સ્ટાગ્રામે આને ધ્યાનમાં રાખીને ભારતમાં વધુ મજબૂત પ્રાઇવસી ટૂલ્સ ઉમેર્યા છે. લોકેશન ડિફોલ્ટ ઓફ રહેશે, જેને મેન્યુઅલી ઓન કરવું પડશે. યુજર્સ પસંદગીના મિત્રો અથવા ગ્રૂપ સાથે જ શેર કરી શકે છે.

મેપના ટોપ પર કસ્ટમાઇઝેબલ ઇન્ડિકેટર બતાવે છે કે તમારૂ લોકેશન શેર થઈ રહ્યું છે કે નહીં, અને નોટ્સ ટ્રેમાં પ્રોફાઇલ ફોટો હેઠળ રિમાઇન્ડર આવે છે જો તે ડિસેબલ હોય. પેરેન્ટલ કંટ્રોલ્સ પણ છે, જેમાં ટીન યુજર્સ માતા-પિતા કે જ્યારે તેઓ લોકેશન શેર કરે ત્યારે નોટિફિકેશન મેળવે છે અને તેને બ્લોક કરી શકે છે. વધુમાં, લોકેશન-ટેગ્ડ કન્ટેન્ટ પર પ્રોફાઇલ ફોટો હવે નથી દેખાડાતું, જેથી યુજર્સને ભ્રમ ન થાય કે તે કરંટ લોકેશન છે. કંપનીએ એજ્યુકેશનલ રિમાઇન્ડર પણ ઉમેર્યા છે, જે લોકેશન ટેગ કરતા પહેલા મેપ પર તે કેવું દેખાશે તેનો પ્રીવ્યુ આપે છે.

તો, ઇન્સ્ટાગ્રામ મેપની જરૂરિયાત શું છે? જ્યારે ગૂગલ અને એપલ મેપ્સ જેવા નેવિગેશન ટૂલ્સ પહેલેથી જ પોપ્યુલર છે? જવાબ સોશિયલ ડિસ્કવરીમાં છે. આ મેપ માત્ર લોકેશન શેરિંગ નથી, પરંતુ તમારા મિત્રો અને ક્રિએટર્સના લોકેશન-બેઝ્ડ કન્ટેન્ટને એક જ પ્લેટફોર્મ પર એક્સપ્લોર કરવાની તક આપે છે. તમે નજીકના કેફેમાંથી રીલ્સ, ટ્રેન્ડિંગ સિટી સ્પોટ્સ કે પાર્ટીઝના અપડેટ્સ જોઈ શકો છો, જે 24 કલાક માટે અવેલેબલ રહે છે. આ ફીચર યુજર્સને વર્ચ્યુઅલ ગેધરિંગથી રીઅલ-વર્લ્ડ કનેક્શન તરફ લઈ જાય છે, ખાસ કરીને યંગ યુજર્સ માટે જે સ્નેપચેટ જેવા એપ્સથી પરિચિત છે. ઇન્સ્ટાગ્રામે આગળ જઈને રીપોસ્ટ અને 'ફ્રેન્ડ્સ' ટેબ જેવા ફીચર્સ પણ ઉમેર્યા છે, જે મિત્રોના ઇન્ટરેક્શન્સને વધુ વ્યક્તિગત બનાવે છે.

વધુમાં વાંચો: વિજય દેવરકોંડાની ગાડીનો ભયાનક અકસ્માત, જાણો કેવી છે હવે અભિનેતાની સ્થિતિ

જોકે, સમસ્યાઓ પણ છે. લોકેશન શેરિંગ ઓન કર્યા પછી તે આપમેળે ઓફ નથી થતું; યુજર્સને મેન્યુઅલી ડિસેબલ કરવું પડે છે, જે ઘણી વખત ભૂલી જાય છે. આનાથી તમારા કનેક્શન્સ તમારી લોકેશન જોઈ શકે છે, જે સુરક્ષા જોખમ ઉભું કરે છે. નિષ્ણાતોનું કહેવું છે કે ભારત જેવા દેશમાં, જ્યાં ઓનલાઇન હેરાસમેન્ટ વધુ છે, આવા ફીચર્સને વધુ કડક કંટ્રોલ્સની જરૂર છે. ઇન્સ્ટાગ્રામના આ લોન્ચે યુજર્સને ઉત્સાહિત કર્યા છે, પરંતુ પ્રાઇવસી વિશે જાગૃતિ વધારવાની જરૂર છે. iOS અને એન્ડ્રોઇડ પર ઉપલબ્ધ આ ફીચર ધીમે ધીમે રોલ આઉટ થઈ રહ્યું છે, અને યુજર્સને તેને સેફ્ટી સેટિંગ્સ સાથે વાપરવાની સલાહ આપવામાં આવી છે. આ ફીચર સોશિયલ મીડિયાને વધુ ઇન્ટરેક્ટિવ બનાવશે, પરંતુ જવાબદારીપૂર્વક વાપરવાથી જ તેનો લાભ લઈ શકાય.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ