ટેક્નોલોજી / Gmail યુઝર્સ માટે કામના સમાચાર: હવે કંપની બંધ કરવા જઇ રહી છે આ ફીચર, લાગી શકે છે ઝટકો

• Gmail યુઝર્સ માટે કામના સમાચાર
• હવે કંપની બંધ કરવા જઇ રહી છે આ ફીચર
• તમારા માટે જાણી લેવું જરૂરી 

Gmail પર લગભગ દરેક લોકોનું એકાઉન્ટ હશે. ઘણા એવા લોકો છે જેમની પાસે ફાસ્ટ ઈન્ટરનેટની સુવિધા નથી. પરંતુ તે સ્લો ઈન્ટરનેટ પર પણ પોતાનું Gmail એકાઉન્ટ એક્સિસ કરી લે છે. પરંતુ હવે આવું નહીં થાય. કારણ કે Gmail ટૂંક સમયમાં પોતાના એક ફીચરને બંધ કરવા જઈ રહ્યું છે. તમે Gmailના HTML વર્ઝનને ઓપન નહીં કરી શકો. 

માટે જો તમે પણ Gmail યુઝર છો તો હવે તમરે પણ ફાસ્ટ ઈન્ટરનેટની જરૂર પડશે. કારણ કે HTML વર્ઝનના બંધ થયા બાદ જીમેલના સ્ટાન્ડર્ડ વર્ઝનને જ ઓપન કરી શકાશે. આવો જાણીએ Gmailએ આટલો મોટો નિર્ણય કેમ લીધો છે અને તેની યુઝર પર શું અસર પડશે. 

Gmailએ કેમ બંધ કર્યું HTML વર્ઝન 
એક રિપોર્ટ અનુસાર જ્યારે ટેક દિગ્ગજ Gmailને તેના વિશે સવાલ કરવામાં આવ્યો તો પ્રવક્તાએ જણાવ્યું કે Gmailનું HTML વ્યૂ જીમેલના બધા ફિચર્સને નથી આપવામાં આવ્યું. 

જેમાં સ્પેલિંગ ચેકર, કીબોર્ડ શોર્ટકટ વગેરે શામેલ છે. ત્યાં જ Gmailના HTML વર્ઝનને જ્યારે ક્રોમ ઈન્સ્પેક્ટરના નેટવર્ક પર લોડ કરવામાં આવે છે તો તેમાં 1200 મિલીસેકન્ડનો સમય લાગ્યો, જ્યારે Gmailના સ્ટાન્ડર્ડ વર્ઝનને લોડ થવામાં ફક્ત 700 મિલીસેકન્ડનો સમય લાગ્યો. 

HTMLને ડીસ્કન્ટીન્યુ કરવાના આ પણ કારણ 
Gmailના HTMLના જુના વર્ઝન અને ધીમા બ્રાઉઝરના હિસાબથી ડિઝાઈન કરવામાં આવ્યું હતું. ત્યાં જ હવે ઈન્ટરનેટના યુઝ માટે પહેલાના મુકાબલે ખૂબ ઝડપી બ્રાઉઝર આવી ગયા છે. જેમાં HTML વર્ઝનની જરૂર નથી હોતી. ત્યાં જ ગુગલે તેના માટે Gmailના સ્ટાન્ડર્ડ વર્ઝનને પણ ધણા વર્ષો પહેલા રિવીલ કર્યું હતું.