Vastu Tips / ભોજનમાં સ્વાદ આપતા મીઠુંની એક ચપટીથી દૂર થઈ શકે છે ઘરની પરેશાનીઓ, જાણો કઈ રીતે કરશો ઉપાય

• પતિ-પત્ની વચ્ચે અણબનાવ થાય તો બેડરુમમાં આ રીતે મીઠું રાખો 
• કોઇ બીમાર હોય તો આ રીતે મીઠુ રાખો 
• મીઠું ક્યારેય કોઈને આપવું કે લેવું જોઈએ નહીં

Vastu Tips: વાસ્તુશાસ્ત્ર અનુસાર, ઘરમાં નાના-મોટા ઝઘડા અને ઝઘડાઓથી બચવા માટે પતિ-પત્ની વચ્ચેના અણબનાવને દૂર કરવામાં મીઠું ખૂબ જ કારગર સાબિત થઈ શકે છે. બેડરૂમના એક ખૂણામાં સિંધવ મીઠું અથવા આખા મીઠાનો ટુકડો લો અને આ ટુકડાને આખા મહિના સુધી એક જ ખૂણામાં રાખો. એક મહિના પછી, જૂના મીઠાનો ટુકડો કાઢી નાખો અને નવો ટુકડો મૂકો. આમ કરવાથી ઘરમાં શાંતિ રહેશે અને નાના-મોટા વિવાદો ઓછા થશે તો બીજી તરફ માનસિક અશાંતિ પણ દૂર થશે. તેની સાથે નકારાત્મકતા પણ દૂર થશે.

વાસ્તુ અનુસાર, જો તમારા ઘરનો કોઈ સભ્ય બીમાર છે, તો દર્દીના પલંગના માથા પર બાઉલમાં સિંધવ મીઠાના કેટલાક ટુકડા રાખો. ધ્યાન રાખો કે દર્દીનું માથું પૂર્વ તરફ હોવું જોઈએ. દર્દીના ખોરાકમાં માત્ર સિંધવ મીઠું અથવા કાળું મીઠું વાપરવું જોઈએ, જ્યારે સામાન્ય મીઠાનો ઉપયોગ ઓછો કરવો જોઈએ. આમ કરવાથી દર્દીનું સ્વાસ્થ્ય જલ્દી સુધરવા લાગે છે. આ રીતે ઘરનું અશાંત વાતાવરણ પણ શાંત થવા લાગશે.

મીઠા સાથે જોડાઇ અન્ય વાતો 

• મીઠું ક્યારેય કોઈને આપવું કે લેવું જોઈએ નહીં. તેનાથી ઘરમાં આર્થિક સમસ્યાઓ આવે છે.
• મીઠાનો  બગાડ કરવો જોઈએ નહીં. નહિંતર, તમારે ઘણી સમસ્યાઓનો સામનો કરવો પડી શકે છે.
• ઘરમાં મીઠાથી પોતુ કરવાથી વાસ્તુ દોષ દૂર થાય છે.
• બાથરૂમમાં મીઠું રાખવાથી ઘરમાંથી નકારાત્મક ઉર્જા દૂર થાય છે.

DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.