- અમેરિકા-ભારતની મિત્રતાથી પાક. થયું ચિંતિત
- અમેરિકાનાં સંસદમાં ભારતીય સ્વતંત્રતા દિન ઊજવવાની માંગ
- 15 ઑગસ્ટનાં દિવસને રાષ્ટ્રીય દિવસ તરીકે ઊજવવાની માંગ
અમેરિકાથી આવેલી અને પાકિસ્તાનમાં વાયરલ થઈ રહેલી 2 ખબરનાં લીધે પાડોશી દેશની ચિંતામાં વધારો થઈ ગયો છે. અમેરિકામાં એક ભારતીય મૂળનાં સાંસદે અમેરિકી સંસદમાં 15 ઑગસ્ટને National Day Celebration જાહેર કરવાનો પ્રસ્તાવ મૂક્યો છે. બીજી તરફ ભારતમાં અમેરિકી સાંસદોનું એક જૂથ ભારતનાં આઝાદીનાં દિવસની ઊજવણીમાં જોડાવા દેશમાં આવી રહ્યાં છે .જ્યારે પાકિસ્તાનની હાલત ખરાબ છે કારણકે ત્યાંનાં લોકો 14 ઑગસ્ટ એટલે કે પોતાની આઝાદીનાં દિવસે બ્લેક ડે ઊજવવાની તૈયારી કરી રહ્યાં છે.
પાકિસ્તાનનાં યૂટ્યૂબરે કરી વાત
પાકિસ્તાની યૂટ્યૂબર સના અમઝદે કહ્યું કે USનાં લોમેકર્સે એક રિઝોલ્યુશન પાસ કર્યું છે. 15 ઑગસ્ટનાં ભારતનાં સ્વતંત્રતા દિવસ પર USAમાં નેશનલ ડે સેલિબ્રેટ કરવામાં આવશે જે ભારત માટે સમ્માનની વાત છે. જ્યારે પાકિસ્તાનીઓ કહે છે કે તેઓ 14 ઑગસ્ટનાં સ્વતંત્રતા દિવસ ઊજવવાની જગ્યાએ બ્લેડ ડે સેલિબ્રેટ કરશે.
પાકિસ્તાનની ચિંતામાં વધારો
આ વર્ષે જૂનમાં વ્હાઈટ હાઉસથી આવેલાં અમેરિકા અને ભારતની મિત્રતાનાં ફોટો વાયરલ થયાં હતાં. આ ફોટોઝમાં મોટી સંખ્યામાં ભારતીયોને વ્હાઈટ હાઉસમાં જોઈને પાકિસ્તાન કંપી ઊઠ્યું હતું. પરંતુ હવે જ્યારે પાકિસ્તાનીઓને ખબર પડી છે કે અમેરિકાનાં સંસદમાં ભારતનાં સ્વતંત્રતા દિવસને ત્યાં રાષ્ટ્રીય દિવસ તરીકે ઊજવવાનો પ્રસ્તાવ મૂકવામાં આવ્યો છે અને અમેરિકામાં ભારતીયોનો અવાજ બનેલ અમેરિકી સાંસદ 15 ઑગસ્ટનાં ભારત આવી રહ્યાં છે ત્યારથી પાકિસ્તાનીઓને લાગી રહ્યું છે કે હવે તેમની સામે 1 નહીં પરંતુ 2 મોટા શક્તિશાળી દેશ આવીને ઊભા છે.પાકિસ્તાનીઓ એવું પણ માને છે કે આજનાં સમયમાં અમેરિકામાં ભારત એટલું મજબૂત થઈ ગયું છે કે ઈન્ડિયનસ ત્યાંની વિવિધ પોલિસી પર પણ અસર પાડી રહ્યાં છે. આ જ કારણે અમેરિકન્સ માટે પણ 15 ઑગસ્ટનો દિવસ ખાસ થઈ ગયો છે.
