આધાર કાર્ડનો ઉપયોગ એડ્રેસ પ્રુફ તરીકે પણ થાય છે. જેથી જરૂરી છે કે તમારું લેટેસ્ટ એડ્રેસ આધાર કાર્ડ પર અપડેટ કરાવી લો. ભાડાથી રહેતાં લોકોને ઘણીવાર એડ્રેસ અપડેટ કરાવવામાં પરેશાની થાય છે, પરંતુ તેના માટેની પણ એક રીત છે. યુનિક આઇડેન્ટિટી ઓથોરિટી ઓફ ઈન્ડિયા (UIDAI) વેલિડ પ્રૂફ આપવા પર આધાર કાર્ડમાં એડ્રેસ ચેન્જ કરવાની સુવિધા આપે છે. જે લોકો રેન્ટ પર રહે છે, એવા લોકોએ ઘણીવાર ઘર બદલવું પડે છે. જેથી આધાર કાર્ડમાં એડ્રેસ પણ ચેન્જ કરાવવો પડે છે. તમે રેન્ટ એગ્રીમેન્ટની મદદથી આધાર કાર્ડ અપડેટ કરાવી શકો છો. તેના માટે આ માન્ય દસ્તાવેજ છે.
રેન્ટ પર રહેતાં લોકો આધાર કાર્ડમાં ચેન્જ કરાવી શકે છે એડ્રેસ
વેલિડ એડ્રેસ પ્રૂફ છે રેન્ટ એગ્રીમેન્ટ
ઓરિજિનલ રેન્ટ એગ્રીમેન્ટ હોવું જરૂરી છે
આધારના સેલ્ફ સર્વિસ પોર્ટલ પર તમે સરળતાથી તમારું એડ્રેસ બદલી શકો છો. ઘણાં લોકોની એવી ફરિયાદ હોય છે કે રેન્ટ એગ્રીમેન્ટને રિજેક્ટ કરી દેવામાં આવે છે, પણ તે યોગ્ય નથી. અમે અહીં તમને કેટલાક સ્ટેપ્સ જણાવીશું, જેની મદદથી તે રિજેક્ટ નહીં થાય.
આ રીતે કરશો તો રિજેક્ટ નહીં થાય એગ્રીમેન્ટ
તમારા રેન્ટ એગ્રીમેન્ટને રજિસ્ટર કરાવો. જો રેન્ટ એગ્રીમેન્ટ રજિસ્ટર્ડ નથી તો UIDAI તેને રિજેક્ટ કરી દેશે. રેન્ટ એગ્રીમેન્ટના દરેક પેજને સ્કેન કરીને અલગ-અલગ અપલોડ કરવા પણ જરૂરી છે. જો તમે એગ્રીમેન્ટના બધાં જ પેજ એકસાથે અપલોડ કર્યા તો તે રિજેક્ટ થઈ જશે. રેન્ટ એગ્રીમેન્ટ તમારા નામ પર જ હોવું જોઈએ. જો તે તમારા પતિ, પત્ની, માતા-પિતા કે બાળકોના નામ પર હશે તો માન્ય ગણાશે નહીં.
ફોટોકોપી નહીં ઓરિજિનલ એગ્રીમેન્ટ જોઈશે
જો તમે સેલ્ફ સર્વિસ પોર્ટલ પર તમારા આધાર કાર્ડનું એડ્રેસ બદલો છો તો એગ્રીમેન્ટ સ્કેન કરાવવું પડશે અને તેને PDF ફોર્મેટમાં કન્વર્ટ કરાવવું પડશે. જો તમે આધાર કાર્ડની ઓફિસે જઈને એડ્રેસ બદલાવો છો તો ઓરિજિનલ એગ્રીમેન્ટ સાથે લઈ જવું પડશે.
આ રીતે કરો એડ્રેસ અપડેટ
સૌથી પહેલાં UIDAIની ઓફિશિયલ વેબસાઈટ https://uidai.gov.in/ પર જાઓ.
હોમપેજ પર My Aadhaar ટેબ પર ક્લિક કરો
એડ્રેસ અપડેટ રિકવેસ્ટ (ઓનલાઈન) પર ક્લિક કરો
નવો પેજ ખુલવા પર એડ્રેસ અપડેટ પર ક્લિક કરો
હવે જે પેજ ખુલશે તેમાં તમારો આધાર કાર્ડ ભરીને લોગ-ઈન કરો
ત્યારબાદ રજિસ્ટર્ડ મોબાઈલ નંબર પર ઓટીપી આવશે
હવે ઓટીપી ભરીને પોર્ટલ પર જાઓ
અહીં તમારું રજિસ્ટર્ડ એગ્રીમેન્ટ અપલોડ કરો
અપલોડ કર્યા બાદ એક રેફરન્સ નંબર મળશે
આ રેફરન્સ નંબર લઈને આધાર સેન્ટર પર જાઓ અને તમારું સ્ટેટસ જાણી લો. ત્યારબાદ તમારો નવો આધાર કાર્ડ જે-તે એડ્રેસ પર મોકલી આપવામાં આવશે.