આકરા પ્રહાર / સ્મૃતિ ઈરાનીએ AAP નેતાને લીધા આડેહાથ, કહ્યું- કેજરીવાલના કહેવા પર ગોપાલ ઈટાલીયાએ કર્યું PM મોદીની માતાનું અપમાન

• સ્મૃતિ ઈરાનીએ કેજરીવાલ અને ઈટાલીયા પર ગંભીર આરોપો લગાવ્યા
• ગુજરાતની ચૂંટણીમાં AAPની હાર નિશ્ચિત છે: સ્મૃતિ ઈરાની
• કેજરીવાલના કહેવા પર PMની માતાનું કરાયું અપમાનઃ કેન્દ્રીય મંત્રી 

આદમી આદમી પાર્ટીના પ્રદેશ અધ્યક્ષ ગોપાલ ઈટાલીયા દ્વારા પીએમ નરેન્દ્ર મોદી અને તેમની માતા પર કરવામાં આવેલી અપમાનજનક ટિપ્પણીને લઈને ભારતીય જનતા પાર્ટી (BJP) આક્રમક બની છે. કેન્દ્રીય મંત્રી સ્મૃતિ ઈરાનીએ શુક્રવારે દિલ્હીના સીએમ અરવિંદ કેજરીવાલ અને AAP નેતા ગોપાલ ઈટાલીયા પર ગંભીર આરોપો લગાવ્યા અને આમ આદમી પાર્ટી પર નિશાન સાધ્યું હતું. સ્મૃતિ ઈરાનીએ કહ્યું કે, કેજરીવાલના કહેવા પર ગોપાલ ઈટાલીયાએ પીએમ નરેન્દ્ર મોદીની માતાનું અપમાન કર્યું છે.

ગુજરાતમાં AAPની હાર નિશ્ચિતઃ ઈરાની
સ્મૃતિ ઈરાનીએ કહ્યું કે, આ બધું રાજકારણ ચમકાવવા માટે કરવામાં આવ્યું છે અને આ કોઈ તેમની મજબૂરી નથી, પરંતુ ચારિત્ર્યનો પુરાવો છે. સ્મૃતિ ઈરાનીએ કહ્યું કે, ગુજરાતમાં રાજકારણ ચમકાવવા માટે હીરાબાનું અપમાન કરવામાં આવ્યું. તેમણે પડકાર ફેંક્યો કે જો અરવિંદ કેજરીવાલમાં હિંમત હોય તો તેઓ ગુજરાતમાં આવીને પીએમ નરેન્દ્ર મોદીની માતાને ગાળો આપે. આ સાથે તેમણે એમ પણ કહ્યું કે, ગુજરાતની ચૂંટણીમાં AAPની હાર નિશ્ચિત છે.

With blessings of Arvind Kejriwal, AAP leadership in Gujarat maliciously attacked PM's 100-yr-old mother. That Kejriwal could fall to new lows isn't surprising...Her only crime-she gave birth to Narendra Modi. Your leaders &workers seek to punish&abuse her: Union Min Smriti Irani pic.twitter.com/oaoYXZZF1W

— ANI (@ANI) October 14, 2022

AAP નેતા ઈટાલીયાએ કર્યું હતું PM મોદીની માતાનું અપમાન 
આ પહેલા ભારતીય જનતા પાર્ટી (BJP)એ આદમી આદમી પાર્ટીના પ્રદેશ અધ્યક્ષ ગોપાલ ઈટાલીયા એક વીડિયો જારી કર્યો હતો, જેમાં તેઓને વડાપ્રધાન નરેન્દ્ર મોદીની માતાની કથિત રીતે મજાક ઉડાવતા સાંભળી શકાય છે. ગુજરાત ભાજપે આ વીડિયો જાહેર કર્યો છે. આ પહેલા ભાજપે તેમના બે વીડિયો જાહેર કર્યા હતા. તેમાંથી એકમાં તેઓ પીએમ મોદીને અપશબ્દો બોલી રહ્યા હતા, જ્યારે બીજા વીડિયોમાં તેઓને મહિલાઓને મંદિર ન જવાની સલાહ આપતા સાંભળી શકાય છે.

નિવેદન નોંધાવવા પહોંચ્યા હતા નવી દિલ્હી
ઈટાલીયા વડાપ્રધાન વિરુદ્ધ તેમની કથિત અપમાનજનક ટિપ્પણી માટે તેમનું નિવેદન નોંધાવવા માટે ગુરુવારે નવી દિલ્હી ખાતે આવેલ રાષ્ટ્રીય મહિલા આયોગની ઓફિસે પહોંચ્યા હતા. ઇટાલીયાએ અગાઉ પોતાના બચાવમાં કહ્યું હતું કે ભાજપ તેમને નિશાન બનાવી રહ્યું છે કારણ કે તેઓ પાટીદાર છે.

ગુજરાત AAP પ્રદેશ અધ્યક્ષ અને અરવિંદ કેજરીવાલના ખાસ ગોપાલ ઈટાલીયાના 'નીચ' સંસ્કાર...

હિંદુ વિરોધી અને માતા-બહેનો વિશેની નીચ માનસિકતા AAPના લોહીમાં જ છે. #HinduVirodhiAAP#મહિલા_વિરોધી_આપ pic.twitter.com/2HnKCe8Hzs

— BJP Gujarat (@BJP4Gujarat) October 13, 2022

કારમાં બનાવ્યો હતો વીડિયો 
કારમાં બનવવામાં આવેલા આ નવા વીડિયોમાં ઈટાલીયાને કથિત રીતે કહેતા સાંભળી શકાય છે કે, 'તમે 'નીચ' નરેન્દ્ર મોદીને તેમની જાહેર સભાઓનો ખર્ચ જાહેર કરવા માટે કેમ નથી પૂછતા અને તેમની માતા હીરાબા પણ નાટક કરી રહ્યા છે. મોદી 70 વર્ષની નજીક છે, જ્યારે હીરાબા 100 વર્ષના થશે, તેમ છતાં બંને નાટકો બંધ કરતા નથી.'