VIDEO / બોડકદેવ વોર્ડના કોર્પોરેટર ધરમશી દેસાઈ અને દેવાંગ દાણી એક જ બુલેટ પર કોર્પોરેશન ઓફિસ પહોંચ્યા

અમદાવાદમાં નવા ચૂંટાયેલા કોર્પોરેટરો સાથે કેન્દ્રીય ગૃહમંત્રી અમિત શાહની મહત્વપૂર્ણ બેઠક યોજાઈ હતી. બેઠક પહેલાં શહેરના કેટલાક કોર્પોરેટરોએ ઇંધણ બચત અને કાર શેરિંગનો સંદેશ આપતા અનોખી પહેલ કરી હતી.

View this post on Instagram

A post shared by Sambhaav Nascent LLP (@vtv_gujarati_news)

બંને કોર્પોરેટર એક જ બુલેટ પર કોર્પોરેશન ઓફિસ પહોંચ્યા

બોડકદેવ વોર્ડના કોર્પોરેટર ધરમશી દેસાઈ અને દેવાંગ દાણી એક જ બુલેટ પર સવાર થઈને કોર્પોરેશન ઓફિસ પહોંચ્યા હતા. વડાપ્રધાન નરેન્દ્ર મોદીએ કાર શેરિંગ અને ઇંધણના ઓછા ઉપયોગ માટે કરેલી અપીલને ધ્યાનમાં રાખીને બંને કોર્પોરેટરોએ આ રીતે સંદેશ આપવાનો પ્રયાસ કર્યો હતો.

તમામ નવા ચૂંટાયેલા કોર્પોરેટર કોર્પોરેશન ઓફિસ પહોંચ્યા

અમદાવાદ મ્યુનિસિપલ કોર્પોરેશન ઓફિસ ખાતે નવા ચૂંટાયેલા તમામ કોર્પોરેટરો હાજર રહ્યા હતા. બેઠક દરમિયાન શહેરના વિકાસ, જનસુવિધાઓ અને આગામી આયોજન અંગે ચર્ચા થવાની શક્યતા વ્યક્ત કરવામાં આવી રહી છે.

આ પણ વાંચોઃ અમદાવાદના પાણીપુરીવાળાને પકોડીમાંથી હાડકું મળવું ભારે પડ્યું, AMCએ કરી મોટી કાર્યવાહી

CM ભૂપેન્દ્ર પટેલ પણ પહોંચ્યા કોર્પોરેશન ઓફિસ

આ બેઠકમાં ગુજરાતના મુખ્યમંત્રી ભૂપેન્દ્ર પટેલ પણ હાજર રહ્યા હતા. નવા પ્રતિનિધિઓ સાથે સંગઠન અને વિકાસના મુદ્દાઓ પર માર્ગદર્શન આપવામાં આવશે તેવી ચર્ચા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ