અકસ્માત / ખેડાના પીજ પાસે કાકા, ભત્રીજો અને એક યુવકનું મોત! બાઈક પર કંટ્રોલ ન રહેતા બની ઘટના, પોલીસ પણ ચોંકી

• ખેડાનાં પીજ પાસે સર્જાયો ગમખ્વાર અકસ્માત
• બાઈક પર કંટ્રોલ ન રહેતા  રોડની બાજુમાં આવેલ ગટરમાં ખાબકી
• પોલીસે ગુનો નોધી આગળની કાર્યવાહી હાથ ધરી

 રાજ્યમાં દિન પ્રતિદિન અકસ્માતોની સંખ્યામાં વધારો થઈ રહ્યો છે. અકસ્માતમાં કેટલીય નિર્દોષ જીંદગીને જીવ ખોવાનો વારો આવે છે. ખેડાનાં પીજ પાસે અકસ્માતની ઘટના બનવા પામી હતી. જેમાં પલ્સર બાઈક રોડની બાજુમાં આવેલ ગટરમાં ખાબકી હતી. જેથી બાઈક ચાલકનો બાઈક પર કંટ્રોલ ન રહેતા બાઈક ગટરમાં ખાબકતા બાઈક પર જઈ રહેલ કાકા, ભત્રીજા તેમજ અન્ય એક યુવકનું મોત નિપજ્યું હતું.

મૃત્યું પામનાર ત્રણેય વ્યક્તિ મૂળ વડતાલનાં રહેવાસી
પોલીસ દ્વારા અનુમાન લગાવવામાં આવી રહ્યું છે કે બાઈક પર કંટ્રોલ ન રહેતા  બાઈક રોડની સાઈડમાં આવેલ ગટરમાં ખાબકી હોવાનું અનુમાન છે.  અકસ્માતમાં મૃત્યું પામેલ બાઈક સવાર વડતાલથી બામરોલી જઈ રહ્યા હતા. મૃત્યું પામનાંર ત્રણેય વ્યક્તિ મૂળ વડતાલનાં રહેવાસી હતા. એક જ પરિવારનાં કાકા-ભત્રીજાનું મોત નિપજતા પરિવારજનો તેમજ મિત્ર વર્તુળમાં ગમગીની છવાઈ ગઈ હતી. 

4 લોકોના કમકમાટી ભર્યા મોત
ગોધરા-દાહોદ હાઇવે ઉપર એક બસએ અન્ય બસને ટક્કર મારી છે. જેમાં ખાનગી બસને અકસ્માત નડ્યો હતો. બસમાં સવારે 4 લોકોના કમકમાટી ભર્યા મોત થયા છે. અત્રે જણાવીએ કે, અમદાવાદથી ઇન્દોર જતી બસ હતી. બસમાં ટેક્નિકલ ખામી સર્જાતા રોકી દેવાઈ હતી અને હાઇવે ઉપર જ પાર્ક કરી કામગીરી કરાઈ રહી હતી. તે સમય અચાનક અન્ય ખાનગી બસના ચાલકે બસને ટક્કર મારી હતી.

પોલીસ કાફલો ઘટનાસ્થળે
રોડ અકસ્માતની ઘટનાના પગલે ડીવાયએસપી સહિત પોલીસ કાફલો ઘટનાસ્થળે પહોંચ્યો હતો. તેમજ ઇજાગ્રસ્તને ગોધરા સિવિલ હોસ્પિટલમાં ખસેડવામાં આવ્યા છે. પોલીસે સમગ્ર મામલાને લઈ તપાસ હાથ ધરી છે