વલસાડ / વાપીમાં એક ચૂક અને બે સગા ભાઇઓનું સ્કૂલ બસની ટક્કરે મોત, પરિવારજનોને માથે આભ ફાટ્યું

• વલસાડ જિલ્લાના વાપીમાં અકસ્માત 
• વાપીમાં બે સગા ભાઇઓને સ્કૂલ બસે લીધા અડફેટે 
• અકસ્માતમાં બંને સગાભાઇઓના મોત

વિકાસની હરણફાળ ભરતા ગુજરાતમાં અકસ્માતની ઘટનાઓમાં પણ દિવસેને દિવસે વધારો આવી આવી રહ્યો છે. તેવામા  વલસાડ જિલ્લાના વાપી ખાતે બાઇક અને સ્કૂલ બસ વચ્ચે ગમખ્વાર અકસ્માતની ઘટના સામે આવી હતી. સ્કૂલ બસ ચાલકે આડેધડ બસ ચલાવી સ્ટેરિંગ પરનો કાબુ ગુમાવી દેતા બાઈકસવાર બને ભાઈઓને આડફેટે લીધા હતા. જેમાં બને સગા ભાઈઓના મોત નિપજયા પરિવારજનોમાં અરેરાટી મચી જવા પામી હતી.

વલસાડના વાપીમાં બે સગા ભાઇઓને સ્કૂલ બસે લીધા અડફેટે, બંનેના મોત, સ્વામિનારાયણ ગુરૂકુળની સ્કૂલ બસે સર્જ્યો અકસ્માત#Valsad #Schoolbus #accident #VTVGujarati pic.twitter.com/7Mid4GVTUn

— VTV Gujarati News and Beyond (@VtvGujarati) April 12, 2023

પરિવારજનો પર આભ ફાંટી પડ્યું
આ ગોજારી ઘટના મામલે જાણવા મળતી વિગતો અનુસાર વાપીના બલીઠા ગામે રહેતા વિશાલ રણછોડભાઈ ભરવાડ નામનો 16 વર્ષનો તરુણ અને તેનો ભાઈ જય રણછોડભાઈ ભરવાડ નામના છ વર્ષનો બાળક બંને બજાજ બાઈક લઈ બજારમાં જવા નીકળ્યા હતા. આ દરમિયાન જીજે 15 એસએસ 3241 નંબરની બાઈકને બલીઠા દાડીવાડ રોડ પર સ્વામિનારાયણ ગુરુકુળ સ્કૂલની બસના ચાલકે આડફેટે લીધા હતા. જેમાં પાછળના ટાયરમાં આવી જતા બન્ને ભાઈઓના કમકમાટીભર્યા મોત નિપજયા હતા. જેને પગલે પરિવારજનો પર આભ ફાંટી પડ્યું હતું. એક જ પરિવારના બે ભાઈઓના મોતને લઈને ગમગીની છવાઈ છે.

સ્થાનિક પોલીસ ઘટનાસ્થળે
અકસ્માતને પગલે લોકોએ દોડી જઇ સ્થાનિક પોલીસને જાણ કરતા પોલીસે દોડી જઇ મૃતદેહનો કબજો સાંભળી પીએમ માટે મોકલવા સહિતની કાર્યવાહી હાથ ધરી હતી. બીજી બાજુ બનાવ અંગે પોલીસે બસ ચાલક સામે ગુનો દાખલ કરી કાર્યવાહી આગળ ધપાવી છે.