- તુર્કીયે અને સિરિયામાં આવેલ ભયાનક ભૂકંપને પગલે મોતનું તાંડવ
- અત્યાર સુધીમાં લગભગ 29 હજારથી વધુ લોકો મોતને ભેટયા
- મૃત્યુઆંક 50 હજાર સુધી પહોંચે તેવો સંયુક્ત રાષ્ટ્રનો દાવો
તુર્કીયે અને સીરિયામાં ભૂકંપના કારણે વિકટ સ્થિતિનું નિર્માણ થયું છે. ભૂકંપને પગલે જીવ ગુમાવનારા લોકોની સંખ્યા પણ સતત વધી રહી છે. તેવામાં નવા આંકડા સામે આવ્યાક છે જેમાં જણાવ્યા અનુસાર અત્યાર સુધીમાં 29,896 લોકોના મૃત્યુ નિપજ્યા હોવાનું બહાર આવ્યું છે. તો આ દુર્ઘટનામાં 85 હજારથી વધુ લોકો ઘાયલ થયા હોવાનું પણ જાણવા મળી રહ્યું છે.
મૃત્યુઆંક 50 હજાર સુધી પહોંચી શકે તેવો દાવો
જેમાં પણ સૌથી વધુ નુકસાન તુર્કીયેમાં થયું છે. જ્યા ભૂકંપની થપાટે 24,617 લોકો કાળને ભેટયા છે. તો 80 હજારથી વધુ લોકો ઇજાગ્રસ્ત થયા હોવાના અહેવાલ મળી રહ્યા છે. બીજી બાજુ સીરિયામાં 5,279 લોકોના મોત થતા હોવાનું અને 5,000 થી વધુ ઇજાગ્રસ્ત થયા હોવાનું બહાર આવ્યું છે. આંતરરાષ્ટ્રીય સમાચાર એજન્સીએ આ માહિતી આપી છે. સામે પક્ષે ભૂકંપથી મૃત્યુઆંક અંગે સંયુક્ત રાષ્ટ્રએ મોટો દાવો કર્યો છે. જેમણે 50,000 સુધી મૃત્યુઆંક પહોંચી શકે છે.
જર્મનીના ગૃહ મંત્રીએ કરી જાહેરાત
આવી ગંભીર સ્થિતિમાં જર્મનીના ગૃહ મંત્રી નેન્સી ફેજરે શનિવારે એક મોટી જાહેરાત કરી હતી. જેમાં તેમણે જણાવ્યું કે તેમનો દેશ તુર્કી અને સીરિયાના ભૂકંપ પીડિતોને ત્રણ મહિનાના વિઝા આપશે. ફેઝરે એક દૈનિક અખબાર જણાવ્યું હતુ કે તે કટોકટી અંગેની સહાય છે. મહત્વનું છે કે હાલ તુર્કીયેમાં ભૂકંપ પ્રભાવિત વિસ્તારોમાં પાંચમા દિવસે પણ રેસ્ક્યુ યથાવત છે. જેમા મોટા મશીનોનો મારફેતે કાટમાળ હટાવવમાં આવી રહ્યા છે.
વિશ્વ બેંક દ્વારા તુર્કીને અપાયા આટલા બિલિયન ડોલર
કુદરતી આફતમાંથી તુર્કીને ઉગારવા માટે વિશ્વ બેંક દ્વારા તુર્કીને 1.78 બિલિયનની સહાયની પણ જાહેરાત કરી છે. બીજી તરફ અમેરિકાએ પણ તુર્કી અને સીરિયાને 85 મિલિયન ડોલરની સહાયની જાહેરાત કરી છે. એ જ રીતે ભારત પણ તુર્કીની મદદ કરીનેં સાથે ઉભું છે. વિમાન મારફતે રાહત સામગ્રી, સૈનિકો અને ડૉક્ટરોની સેના મોકલવામાં આવી રહી છે. ભારતની NDRF ટીમ સ્થળ પર જ હાજર છે અને દટાયેલા લોકોને બચાવવા પ્રયાસો કરી રહી છે.
