કામની વાત / શું તમે જાણો છો, તમને કેટલા ટ્રાફિક ચલણ ઓનલાઇન ફટકારવામાં આવ્યા? આ રીતે કરો ચેક

વાહન ચલાવતી વખતે જો તમે ટ્રાફિક નિયમોનું ઉલ્લંઘન કરો તો તમારૂ ચલણ કપાય છે. જેને ભરવું ફરજીયાત હોય છે. પહેલા ચલણ ટ્રાફિક પોલીસ આપતા હતા પરંતુ હવે પોલીસ ઉપરાંત રોડ પર લાગેલા હજારો કેમેરા પણ વાહન ચાલકો પર નજર રાખી તેમનું ચલણ કાપે છે. 

મેમો આવે તેની જાણકારી હોવી જરૂરી 
આજ કારણ છે કે ઘણા લોકોને ખબર નથી હોતી કે તેમનું ચલણ કપાઈ રહ્યું છે. એવું મોટાભાગે એ લોકોના કારણે થાય છે જેમનો મોબાઈલ નંબર આરટીઓ સાથે લિંક નથી હોતો. નંબર પર મેસેજ ન આવવાના કારણે લોકોને ઘણી વખત તેમના ચલણ વિશે ખબર નથી હોતી અને એક સાથે ઘણા ચલણ ભરવાના ભેગા થઈ જાય છે. જ્યાર બાદ ગાડી જપ્ત પણ થઈ શકે છે. 

આ રીતે ચેક કરો મેમો આવ્યો છે કે નહીં
જો તમે જાણવા માંગો છો કો તમારા વાહન પર કોઈ મેમો આવ્યો છે કે નહીં તો આ રીતે તરત ચેક કરી લો. તમે એક મિનટમાં ઓનલાઈન જ પોતાનું ચલણ ચેક કરી શકો છો. તેના માટે તમારે ગુગલ પર E-Challan ટાઈપ કરવાનું રહેશે. તેના બાદ સૌથી ઉપર ઈ-ચલણની વેબસાઈટ ખુલી જશે. 

વધુ વાંચો: હોળીમાં કલર લગાડેલી ચલણી નોટ ચાલશે કે નહીં? શું કહે છે RBIનો નિયમ

તમને ત્યાં ત્રણ ઓપ્શન મળશે. જેમાં ડ્રાઈવિંગ લાયસન્સનો નંબર, ગાડીનો નંબર અને એન્જિન નંબર નાખી શકો છો. ત્રણેયમાંથી એક વિકલ્પને પસંદ કરી તમે ગેટ ડીટેલ્સ પર ક્લિક કરો. તમારા તમામ ચલણ તમારી સામે આવી જશે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો