- શાકભાજીના ભાવ પહોંચ્યા 100 રૂપિયા પાર
- વરસાદના કારણે શાકભાજીના પાકને નુકસાન
- શાકભાજીની ઓછી આવકના કારણે ભાવમાં વધારો
કોરોના બાદ મોંઘવારી લોકોનો પીછો નથી છોડી રહી. પેટ્રોલ-ડીઝલ, ખાદ્યતેલ, ટ્રાન્સપોર્ટેશન સહિત અનેક જગ્યાએ આમ આદમીને મોંઘવારી નડી રહી છે. તેવામાં બાકી હતું તે કમોસમી વરસાદે ખેડૂતોને તો રડાવ્યા જ છે. પરંતુ તેની સાથે-સાથે આમ જનતાનું પણ ભારણ વધાર્યું છે. કારણ કે, કમોસમી વરસાદના કારણે મોટા પ્રમાણમાં શાકભાજીના પાકને નુકસાન પહોંચ્યું છે.. જેના કારણે શાકભાજીના ભાવ પણ સદી વટી ગયા છે. અને ગૃહિણીઓ ફરી ચિંતામાં મુકાઈ છે.
ખોરવાયું બજેટ
સમય સાથે કુદરતી વાતાવરણમાં પણ સતત ફેરફાર થતો જોવા મળી રહ્યો છે. એક તરફ કમોસમી વરસાદના કારણે પાક નુકસાની થઈ છે. જેણે ખેડૂતોની ચિંતા વધારી છે. તો બીજી તરફ શાકભાજીના આસમાને પહોંચેલા ભાવે ગૃહિણીઓના બજેટમાં ભારણ વધાર્યું છે.
ભાવ આસમાને
તાજેતરમાં ગુજરાતના અનેક જિલ્લાઓમાં કમોસમી વરસાદ પડયો છે. જેના કારણે મોટા પ્રમાણમાં શાકભાજીના પાકમાં ભારે નુકસાની થઈ છે. તેવામાં બજારમાં શાકભાજી ખુબ ઓછા પ્રમાણમાં આવી રહી છે. અને આ કારણે હાલ મોટા ભાગના શાકભાજીના ભાવ 100 રૂપિયા પાર પહોંચી ગયા છે. સામાન્ય રીતે શિયાળામાં લીલા શાકભાજી ખાવાનું મહત્વ હોય છે. અને આ જ જંતુમાં શાકભાજીનું પણ ખુબ ઉત્પાદન થાય છે. પરંતુ હાલ કમોસમી વરસાદના કારણે શાકભાજીનું ઓછું ઉત્પાદન થયું છે. તેવામાં શાકભાજીના ભાવ આસમાને પહોંચતા ગૃહિણીઓ મુજવણમાં મુકાઈ છે. શું ખાવું અને શું ન ખાવું. ?
બાકી કુછ બચા તો મહંગાઈ માર ગઈ...
હવે જરા અમદાવાદના બજારમાં મળતા શાકભાજીના ભાવ પર નજર કરીએ તો,.50 રૂપિયામાં કિલો મળતા ટામેટાના ભાવ 100 રૂપિયા પાર પહોંચી ગયા છે. આ સિવાય 80 રૂપિયામાં કિલો મળતા વટાણાના 130 રૂપિયા, 60 રૂપિયામાં કિલો મળતી ચોળી 110 રૂપિયામાં, 20 રૂપિયામાં કિલો મળતી ડુંગળી 60-70 રૂપિયામાં, 90 રૂપિયામાં કિલો મળતી વાલોળ 130 રૂપિયામાં, અને 50 રૂપિયામાં કિલો મળતી કોથમીર 100 રૂપિયામાં મળી રહી છે.. આ સિવાયના પણ તમામ શાકભાજીના ભાવ 50 થી 100 રૂપિયા આસ પાસ છે.
સ્થિતિ એવી બની ગઈ છે કો, એક સાંધે ત્યાં તેટ તુટે..ખાદ્યતેલ અને પેટ્રોલ-ડીઝલ થોડું સસ્તું થાય ત્યાં શાકભાજી સહિતની વસ્તુઓના ભાવ વધી જાય.. પરંતુ હાલ તો આ ભાવ વધારો કમોસમી વરસાદના કારણે સર્જાયેલી સ્થિતિથી છે.પણ એ પણ ના કહી શકાય કે,લીલા શાકભાજીના ભાવ કાબુમાં ક્યારે આવશે.
