ટોક્યો ઓલમ્પિક્સમાં રશિયાના ખેલાડીઓ પોતાના દેશની ઓળખને રજૂ કરનારી કોઈ પણ ચીજનો ઉપયોગ કરી શકશે નહીં. ગોલ્ડ મેડલ લેતી સમયે પણ તેમનું રાષ્ટ્રગીત વગાડાશે નહીં.
ટોક્યોમાં નહીં દેખાય રશિયાનું નામ
રશિયાનો ઝંડો પણ જોવા મળશે નહીં
રશિયાના રાષ્ટ્રગાન પર પણ રહેશે બેન
ખેલાડીઓની જર્સી પર નહીં હોય દેશનું નામ
સૌથી મોટા ડોપિંગ વિવાદને લઈને હવે રશિયાને (Russia) ટોક્યો ઓલમ્પિક્સ (Tokyo Olympics)માં એક વધુ નવા નામની સાથે કોમ્પિટિશનમાં સામેલ કરાશે. મેડલ સેરેમની સમયે પણ કોઈ પોડિયમના ઉપર રશિયાનો ફ્લેગ લહેરાવાશે નહીં પણ ખેલાડીના પોષાક પર રાષ્ટ્રીય રંગનો ઉપયોગ કરી શકાશે.
રશિયા પર રહ્યો છે ડોપિંગનો વિવાદ
જૂના અને નવા ડોપિંગ કેસનો વિવાદ હજુ પણ રશિયાની ટીમ પર છે. અનેક વર્ષોના કેસને માટે ટોક્યો ઓલમ્પિક્સની ટીમમાં સામેલ 2 તરવૈયાને સસ્પેન્ડ કરાયા હતા અને 2 રોઈંગ ખેલાડી ગયા મહિને કોરોના પોઝિટિવ આવ્યા હતા. આ વખતે રશિયા અને ઓલમ્પિક એથલીટ ઓફ રશિયાના નામથી ઉતરી શકશે નહીં. આ વખતે રશિયા ઓલમ્પિક સમિતિ (ROC) ના નામે ભાગ લેશે.
આ નામનો કરી શકશે ઉપયોગ
ખેલાડીઓ અધિકૃત રીતે પોતાના દેશ નહીં પણ આરઓસી (ROC)ને રીપ્રેઝન્ટ કરશે અને રશિયાનું નામ, ધ્વજ અને રાષ્ટ્રગાન પર પ્રતિબંધ રહેશે. જાણકારોનું કહેવું છે કે રશિયાની ટીમ તેમના પોષાકમાં રાષ્ટ્રીય રંગોનો ઉપયોગ કરશે તો તેમનું અંતર ઓળખવું મુશ્કેલ થશે.
નહીં જોવા મળે રશિયાનો રાષ્ટ્રધ્વજ
રશિયાના ખેલાડીના પોષાક પર લાલ, સફેદ, ભૂરા રંગનો ઉપયોગ કરાશે પણ રાષ્ટ્રધ્વજના નામે રશિયાનું નામ લખેલું હશે નહીં. આ સિવાય કોઈ અન્ય રાષ્ટ્રીય પ્રતીક પણ હશે નહીં. કલાત્મક તરવૈયાની ટીમે કહ્યું કે તેમને આ પોષાક પહેરવાથી રોકવામાં આવ્યા હતા જેની પર રીંછની તસવીર બનેલી હતી.
આ જગ્યાઓએ પણ રશિયાને બદલે નવું નામ લેવાશે ઉપયોગમાં
અધિકારીક ઓલમ્પિક્સ દસ્તાવેજ અને ટીવી ગ્રાફિક્સ પર પણ રશિયાની ટીમના પરિણામને ROCના રૂપમાં બતાવવામાં આવશે પણ રશિયા ઓલમ્પિક્સ સમિતિના નામે ઉલ્લેખ કરાશે નહીં. ગોલ્ડ મેડલ વિનર્સને માટે રાષ્ટ્રગીતને બદલે રશિયાના સંગીતકાર ચેકોવસ્કીનું સંગીત વગાડવામાં આવશે.