TMC / VIDEO : પરણ્યા બાદ મસ્ત બની સાંસદ મહુઆ મોઈત્રા, પતિ સાથે કર્યો શાનદાર ડાન્સ, શેર કર્યો વીડિયો

તૃણમૂલ કોંગ્રેસના સાંસદ મહુઆ મોઇત્રાએ સોશિયલ મીડિયા પર એક વીડિયો શેર કર્યો હતો, જે વાયરલ થયો હતો, જેમાં તે જર્મનીમાં લગ્ન બાદ પતિ પિનાકી મિશ્રા સાથે ડાન્સ કરતી જોવા મળી રહી છે. ઉલ્લેખનીય છે કે 30 મેના દિવસે મહુઆ મોઇત્રા અને ભૂતપૂર્વ બીજેડી સાંસદ પિનાકી મિશ્રા જર્મનીમાં ખાનગી લગ્ન કરી લીધા હતા. પરણ્યા બાદ મહુઆ રોમેન્ટિક થઈ હતી અને પતિ સાથે ડાન્સ કરતી જોવા મળી હતી. જોકે આ બધામાં પતિ પિનાકી મિશ્રાની અણઆવડત છતી થઈ હતી. તેને ડાન્સ કરતાં આવડતું નહોતું. મહુઆ તો સરસ ડાન્સ કરતી હતી પરંતુ પિનાકી ફાંફા મારતાં જોવા મળ્યાં હતા.

કોણ છે પિનાકી મિશ્રા

પિનાકી મિશ્રા ઓડિશામાં બીજુ જનતા દળના વરિષ્ઠ નેતા છે અને ઓડિશાના પુરી મતવિસ્તારનું પ્રતિનિધિત્વ કરી ચૂક્યા છે. તેમના પહેલા લગ્ન સંગીતા મિશ્રા સાથે થયા હતા, જેમના બે બાળકો છે.

કોણ છે મહુઆ મોઈત્રા

પશ્ચિમ બંગાળની કૃષ્ણનગર બેઠક પરથી ટીએમસીના સાંસદ મહુઆ મોઇત્રા અગાઉ ઇન્વેસ્ટમેન્ટ બેંકર હતા અને 2019 માં ચૂંટણી લડ્યા પછીથી તેઓ બે વાર સંસદમાં ચૂંટાયા છે. મોઇત્રાના અગાઉ ડેનિશ ફાઇનાન્સર લાર્સ બ્રોર્સન સાથે લગ્ન થયા હતા.

વધુ વાંચો : VIDEO : દીવમાં દારુ ચઢતાં છાકટી બની યુવતીઓ, ચાલુ કારમાં કર્યું હેરાનીભર્યું, વીડિયો વાયરલ

મહુઆ મોઈત્રા પર અભિનંદનનો વરસાદ

લગ્ન બાદ મહુઆ પર અભિનંદનનો વરસાદ થયો હતો. કોંગ્રેસના સાંસદ શશિ થરૂરે મહુઆ મોઇત્રા અને પિનાકી મિશ્રાને તેમના લગ્ન બદલ અભિનંદન આપ્યા અને X પર એક પોસ્ટમાં કહ્યું, "મારા સારા મિત્રો અને સાથીદારો, મહુઆ મોઇત્રા અને પિનાકી મિશ્રાને, લગ્નજીવનની શરૂઆત કરતી વખતે બધી ખુશીઓની શુભેચ્છા. તેઓ લાંબા અને આનંદી લગ્ન જીવન માટે સ્વર્ગના આશીર્વાદનો આનંદ માણે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ