મનોરંજન / હવે જાપાનમાં પણ Tiger 3એ તબાહી મચાવી, માત્ર એક સપ્તાહમાં જ કરી નાખી તાબડતોબ કમાણી

સલમાન ખાન અને કેટરીના કૈફની ફિલ્મ 'ટાઈગર 3' ગયા વર્ષે દિવાળીના અવસર પર સિનેમાઘરોમાં રિલીઝ થઈ હતી. હવે મહિનાઓ બાદ આ ફિલ્મ જાપાનના સિનેમાઘરોમાં રિલીઝ થઈ છે. 'ટાઈગર 3' 5 મે, 2024 ના રોજ જાપાનમાં રીલિઝ થઈ હતી જ્યાં તેણે સારી શરૂઆત કરી હતી અને શાનદાર કલેક્શનની સાથે ઘણી ફિલ્મોના રેકોર્ડ તોડી નાખ્યા હતા. મળતી માહિતી મુજબ ફિલ્મે પહેલા દિવસે 1 લાખ 30 હજાર દર્શકો 'ટાઈગર 3' જોવા આવ્યા હતા. આ સાથે 'ટાઈગર 3' એ 'દંગલ', 'KGF ચેપ્ટર 1'-'KGF ચેપ્ટર 2' અને 'બ્રહ્માસ્ત્ર'ના રેકોર્ડ તોડી નાખ્યા છે. જોકે, સલમાન-કેટરિનાની ફિલ્મ 'RRR', 'સાહો' અને 'પઠાણ' જેવી ઘણી ફિલ્મોને માત આપી શકી નથી.

7 દિવસમાં 15 મિલિયન જેપીવાયની કમાણી કરી

ટાઇગર 3 એ 7 દિવસમાં લગભગ 15 મિલિયન જેપીવાયની કમાણી કરી છે. જે ભારતીય ચલણમાં 80 લાખ રૂપિયાની આસપાસ છે. તેના આધારે એવું કહી શકાય કે શરૂઆતના દિવસોની સરખામણીમાં આ આંકડો સરેરાશ માનવામાં આવે છે. અગાઉ સલમાનની ટાઇગર 3 એ ભારતમાં લગભગ રૂ. 290 કરોડનું નેટ બોક્સ ઓફિસ કલેક્શન કર્યું હતું અને આ વિશ્વવ્યાપી કમાણીનો આંકડો હવે રૂ. 450 કરોડને પાર કરી ગયો છે.

વધુ વાંચો : રશ્મિકા મંદાના કમાણીના મામલે સલમાન ખાનથી આગળ, સિકંદરમાં શ્રીવલ્લીની એન્ટ્રીથી ભાઈજાનને ફાયદો થશે?

ભારતીય ફિલ્મોએ જાપાનમાં ધૂમ મચાવી

સલમાન ખાનની ટાઈગર 3 પહેલા એસએસ રાજામૌલીની RRR અને બાહુબલી જેવી ફિલ્મોએ પણ કલેક્શનની દ્રષ્ટિએ જાપાનમાં ધૂમ મચાવી હતી. RRR ની નેટ 2.4 બિલિયન JPY હતી અને બાહુબલી 2 પાસે 350 મિલિયન JPY નો બિઝનેસ હતો. શાહરૂખ ખાન સ્ટારર પઠાણે પણ 45 મિલિયન JPY કમાણી કરી હતી.