તમારા કામનું / RuPayના ક્રેડિટ કાર્ડમાં ત્રણ નવા ફીચર્સ એડ કરાયા, 31 મેથી મળશે સુવિધા

નેશનલ પેમેન્ટ કોર્પોરેશન ઓફ ઈન્ડિયાની એક જાહેરાતના કારણે RuPay ક્રેડિટ કાર્ડ ઉપયોગ કરનારા લોકોમાં ખુશીની લહેર ફરી વળી છે. જો તમે પણ RuPayનું ક્રેડિટ કાર્ડ વાપરો છો તો તમારા માટે આ ખબર ખૂબ મહત્વની છે. કેમ કે અત્યાર સુધી RuPay ક્રેડિટ કાર્ડના યુઝર્સ UPI એપ્સ પર ઓનલાઈન કે ઓફલાઈન ખરીદી કરી શકતા હતા પરંતુ હવે નેશનલ પેમેન્ટ કોર્પોરેશન ઓફ ઈન્ડિયાએ RuPayના ક્રેડિટ કાર્ડ યુઝર્સ માટે ત્રણ નવા ફીચર્સ એડ કર્યા છે. આ ફીચર્સ 31મે 2024ના રોજથી લાગૂ થશે.

EMIની સુવિધા મળશે

NPCIના એલાનથી હવે RuPay ક્રેડિટ કાર્ડના યુઝર્સ આસાનીથી UPI એપથી EMIના વિકલ્પનો ઉપયોગ કરી શકશે. આ ફીચરથી જૂની ખરીદદારીને પણ ક્રેડિટ કાર્ડમાં EMIમાં પરિવર્તિત પણ કરી શકાશે. જેના માટે તમારે UPI એપની ટ્રાન્ઝેક્શન હિસ્ટ્રીમાં જઈને પેમેન્ટ મેથર્ડ બદલવાની રહેશે.

AutoPay થઈ શકશે
RuPay ક્રેડિટ કાર્ડના યુઝર્સ હવે UPIની એપ પર AutoPay કરી શકશે. આ ફીચરથી તમે હવે તમારુ ક્રેડિટ કાર્ડ એકાઉન્ટ આસાનીથી મેનેજ કરી શકશો. વન ટાઈમ પેમેન્ટથી તમે તમારી લોનની ભરપાઈ કરી શકશો.

આ પણ વાંચોઃ 

લિમિટ મેનેજમેન્ટની સુવિધા

આ સિવાય 31મેના રોજથી લિમિટ મેનેજમેન્ટની સુવિધા પણ શરૂ કરવામાં આવશે. જેનાથી ક્રેડિટ કાર્ડના યુઝર્સ ક્રેડિટ લિમિટના વૃદ્ધિ માટે UPIને અરજી કરી શકશે. આ ફીચર ક્રેડિટ લાઈનને મેનેજ કરવા શરૂ કરાયુ છે. વર્ષ 2022માં RuPay ક્રેડિટ કાર્ડની UPI પર સુવિધા શરૂ કરાઈ હતી. જેથી રુપે ક્રેડિટ કાર્ડથી UPI પર પેમેન્ટ શરૂ થયુ હતુ. અત્યારે 17 બેંકોના RuPay ક્રેડિટ કાર્ડ UPI પર લિંક થઈ શકે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો