- ઈસ્કોન બ્રિજ અકસ્માત કેસનાં આરોપી તથ્ય પટેલનો વધુ એક કાંડ
- તથ્ય પટેલ શાળામાં દારૂ બોટલની સાથે પકડાયો હતો
- દારૂની બોટલ સાથે પકડાતા તથ્યને શાળામાંથી કરાયો હતો સસ્પેન્ડ
- તથ્ય પટેલ નાની ઉંમરથી જ દારૂના રવાડે ચડી ગયો હતો
ઈસ્કોન બ્રિજ અકસ્માતનાં આરોપી અને કેદી નં.8683 ની નવી ઓળખાણ પ્રાપ્ત કરનાર તથ્ય પટેલનો વધુ એક કાંડ બહાર આવ્યો છે. ત્યારે નાનપણથી જ નશાખોરીનાં રવાડે ચડી ગયેલ તથ્ય પટેલે શાળામાં અભ્સાય કરતી વખતે અનેક કાંડ કર્યા છે. ત્યારે તથ્ય પટેલ શાળામાં દારૂની બોટલ સાથે પકડાયો હતો. જે બાદ સ્કૂલ મેનેજમેન્ટ દ્વારા તથ્ય પટેલને સ્કૂલમાંથી કાઢી મૂક્યો હતો.
તથ્ય તેનાં પિતાની જેમ જ ગુનાહિત માનસિકતા ધરાવે છે
તથ્ય પટેલ નાનપણથી જ દારૂના રવાડે ચડી ગયો હતો. તેમજ તે તેનાં પિતાની જેમ જ ગુનાહિત માનસિકતા ધરાવે છે. નબીરો તથ્ય પહેલેથી જ ગુનાહિત માનસિકતા ધરાવે છે. તેમજ નાની ઉંમરે જ તે રસ્તા પર સ્ટંટ કરવા, ક્લબમાં પાર્ટી સહિત નશાનાં રવાડે ચડી ગયો હતો.
પ્રજ્ઞેશ પટેલની જામીન અરજી પર સુનાવણી આગામી સમયમાં હાથ ધરાશે
અમદાવાદના ઇસ્કોન બ્રિજ અકસ્માત કેસના આરોપી તથ્ય પટેલના પિતા પ્રજ્ઞેશ પટેલને હજી જેલમાં જ રહેવું પડશે. વાત જાણે એમ છે કે, તથ્યના પિતા પ્રજ્ઞેશ પટેલે અમદાવાદ ગ્રામ્ય કોર્ટ જામીન અરજી કરી હતી. જે મામલે કોર્ટમાં ચાર્જશીટ ફાઇલ ન થતાં અરજી પર મુદ્દત પડી છે. જેથી હવે આગામી સુનાવણી સુધી પ્રજ્ઞેશ પટેલે જેલમાં જ રહેવું પડશે.
પોલીસે કોર્ટમાં તથ્ય પટેલ સામે ચાર્જશીટ રજૂ કરી દીધી
અમદાવાદ ઇસ્કોન બ્રિજ અકસ્માતમાં નિર્દોષ લોકોના હત્યારા તથ્ય પટેલ માટે સજાથી બચવું હવે અશક્ય બની ગયું છે. ઇસ્કોન બ્રિજ અકસ્માતને પગલે રાજ્ય આખું હચમચી ગયું છે. પોલીસ વિભાગે પણ આ કેસની ગંભીરતાને ધ્યાનમાં લઈને 1 સપ્તાહમાં ચાર્જશીટ રજૂ કરી દીધી છે. 1684 પાનાની ચાર્જશીટમાં 191 લોકોના નિવેદન લેવાયા છે અને કેસમાં કુલ 25 પંચનામાં કોર્ટમાં રજૂ કરાયા છે. વધુમાં ચાર્જશીટમાં 15 દસ્તાવેજી પુરાવા અને રિપોર્ટનો પણ ઉલ્લેખ કરાયો છે.IPC કલમ 164 મુજબ 8 લોકોના નિવેદન નોંધી CRPC કલમ 173(8) મુજબ તપાસ ચાલી રહી છે.
