ગજબની ચોરી / બાપ રે! એપલ સ્ટોરમાં ઘૂસી ચોરોએ ચોર્યા 4 કરોડના iphone, અપનાવી Money Heist વેબ સિરીઝની ગજબ ટેક્નિક GFX વેબ સિરીઝની સ્ટાઇલમાં ચોરી

• કોફી શોપના સહારે એપલ સ્ટોરમાં ઘૂસી ચાર કરોડના આઈફોન ચોર્યા
• નેટફ્લિક્સની વેબ‌ ‌સિરીઝ મની હેઇસ્ટ સ્ટાઇલમાં ગજબની ચોરી
• સ્ટોરની સિક્યોરિટી પણ ચોરીની ઘટનાને રોકી ન શકી

નેટફ્લિક્સ પર આવેલી મની હેઇસ્ટ (Money Heist) વેબ ‌સિરીઝની સ્ટાઇલમાં ચોરે ચોરી કરી છે. વોશિંગ્ટનમાં એપલના સ્ટોરમાં થયેલી આઇફોનની ચોરીએ સૌને ચોંકાવી દીધાં છે. વોશિંગ્ટનના એપલ સ્ટોરમાંથી ૫,૦૦,૦૦૦ ડોલરના આઇફોનની લૂંટ ચલાવાઇ છે, તે ભારતીય કિંમત મુજબ ચાર કરોડ રૂપિયા થાય છે, આ એક મોટી રકમ છે.

Good morning Twitter fans! Yesterday was a weird day...

1. Two men broke into one of our retail locations. Why? To cut a hole in our bathroom wall to access the Apple Store next door and steal $500k worth of Iphones🙄

2. Later that night on the way to the grocery store my wife… pic.twitter.com/DcUld6ULEd

— Mike Atkinson (@coffeemikeatkin) April 4, 2023

સ્ટોરની સિક્યોરિટી પણ ચોરીની ઘટનાને રોકી ન શકી
આ ઘટના એપલ સ્ટોર-એલ્ડરવુડ મોલમાં બની છે. સ્ટોરની સિક્યોરિટી પણ ચોરીની ઘટનાને રોકી શકી નથી. આ ઘટના રાતના સમયે બની, જ્યારે મોલ બંધ હતો અને તે સમયે એપલ સ્ટોર પર કોઇ કર્મચારી હાજર ન હતો. સીએટલ કોફી ગિયરના સીઇઓ માઇક એટકિંસનના ટ્વીટ અનુસાર ચોરે એક કોફી શોપના સહારે એપલ સ્ટોરમાં ઘૂસણખોરી કરી. નવાઈની વાત એ છે કે ચોરોએ કોફી શોપમાંથી કંઇ જ ન ચોર્યું. કોફી શોપનું તાળું અને બાથરૂમની દીવાલ તોડી દીધી, જેને રિપેર કરાવવામાં માલિકને ૧,૨૩,૦૦૦નો ખર્ચ થશે. 
એપલે હાલમાં આ ઘટના પર કોઇ કોમેન્ટ કરી નથી. કયા આઇફોનની ચોરી થઇ એ અંગે હજુ કંઇ કહ્યું નથી, પરંતુ અવશ્ય કંપની પોતાના લેટેસ્ટ આઇફોનને સ્ટોરમાં વેચી રહી હતી. 
પોલીસ અધિકારીઓને ચોરીના ફૂટેજ મળી ચૂક્યા છે
કોફી શોપના માલિકે જણાવ્યું કે ચોર કોફી શોપમાં ઘૂસ્યા હતા અને પછી સિક્યોરિટી સિસ્ટમને અવગણીને એપલ સ્ટોર સુધી પહોંચી ગયા. આ ચોરી ૧૦૦ ટકા પૂર્વયોજિત હતી અને સમજી-વિચારીને પ્લાન કરવામાં આવી હતી. પોલીસ અધિકારીઓને ચોરીના ફૂટેજ મળી ચૂક્યા છે. આ એક ઊંડી તપાસ છે. તેથી ફૂટેજ જાહેર કરાયા નથી.