મહિલાઓની જરૂરીયાત મુજબ કેન્દ્ર સરકાર કેટલીક યોજનાઓ લોન્ચ કરતી રહે છે. જેનો ઉદેશ્ય દેશની મહિલાઓને આર્થિક રીતે આત્મનિર્ભર બનાવવાનો પણ હોય છે. જેમાં હમણા જ 2023માં નાણામંત્રીએ વધુ એક યોજના લોન્ચ કરી હતી. આ મહિલા સમ્માન સેવિંગ સર્ટિફિકેટ યોજનામાં બે વર્ષ સુધી પૈસા ઈન્વેસ્ટ કરી વળતર મેળવી શકાય છે. આ સિવાય દિકરીઓ માટે સુકન્યા સમૃદ્ધિ યોજનામાં લાંબાગાળા માટે પૈસા ઈન્વેસ્ટ કરી સારૂ રિટર્ન મેળવી શકાય છે. આપણે અહીંયા આ બંન્ને યોજનાના વિશે જાણવાનો પ્રયાસ કરીશું.
મહિલા સેવિંગ સર્ટિફિકેટ સ્કીમ
મહિલા સેવિંગ સર્ટિફિકેટ સ્કીમ હેઠળ તમામ ઉમંરની મહિલાઓ પૈસા ઈન્વેસ્ટ કરી શકે છે. જેમાં તમે રૂપિયા 2 લાખ સુધી રોકાણ કરી શકો છો. આ યોજનામાં તમે 2 વર્ષ સુધી પૈસા રોકીને તેની પર 7.50% વ્યાજ મેળવી શકો છો. જો તમે આ સ્કીમમાં 2 લાખ રૂપિયા ઈન્વેસ્ટ કરો છો તો તમને 2,32,044 રૂપિયા મળવાપાત્ર છે. ઉલ્લેખનીય છે કે, આ સ્કીમમાં પૈસા ઈન્વેસ્ટ કરવા પર IT એક્ટ 80C હેઠળ રૂપિયા 1.50 લાખની રાહત મળે છે.
સુકન્યા સમૃદ્ધિ યોજના
વર્ષ 2014માં દિકરીઓના ભવિષ્યની જરુરીયાતોને ધ્યાને રાખીને શરૂ કરવામાં આવી હતી. સુકન્યા સમૃદ્ધિ યોજના હેઠળ તમે તમારી 10 વર્ષ સુધીની ઉંમરની દિકરીનું એકાઉન્ટ ખોલાવી શકો છો. જે એકાઉન્ટમાં તમે દર વર્ષે 250થી લઈ 1.50 લાખ રૂપિયા ઈન્વેસ્ટ કરી શકો છો. આ યોજનામાં સરકાર 8% વ્યાજ આપે છે. કુલ જમા થયેલી રકમ જ્યારે તમારી દિકરી 18 વર્ષની થાય ત્યારે તેને 50% રકમ મળવાપાત્ર છે. અને જ્યારે તમારી દિકરી 21 વર્ષની થાય ત્યારે તે 100% રકમ ઉપાડી શકાય છે. સુકન્યા સમૃદ્ધિ યોજનાનો લાભ ઉઠાવી તમે તમારી દિકરીનો ઉચ્ચ અભ્યાસ અને મેરેજના ખર્ચમાં તે રકમનો ઉપયોગ કરી શકો છો.
વધુ વાંચો : સરકારની જબરદસ્ત જીવન વીમા સ્કીમ, માત્ર 20 રૂપિયામાં મળશે 2 લાખ રૂપિયાનું કવર
ઉલ્લેખનીય છે કે, ઉપર જણાવેલી બન્ને યોજનાઓ માત્ર મહિલાઓ માટે છે. પરંતુ આ યોજનામાં એક ડિફરન્સ છે. જેમાં મહિલા સમ્માન સેવિંગ સર્ટિફિકેટ એક ટૂંકા સમયગાળા માટેની યોજના છે, તો સુકન્યા સમૃદ્ધિ યોજના લાંબા સમયગાળાની યોજના છે. જેમાં પૈસા ઈન્વેસ્ટ કરી તમે તમારી દિકરીના ઉચ્ચ અભ્યાસ અને વિવાહના ખર્ચના ટેન્સનમાંથી મુક્ત થઈ શકો છો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
