World Cup 2023 / વર્લ્ડકપની ફાઇનલમાં ભારત-પાકિસ્તાન મેચ જેવા દ્રશ્યો જોવા મળે તો નવાઈ નહીં! પિચને લઈને આવ્યા મોટા સમાચાર

• વર્લ્ડકપ 2023ની ફાઈનલ પહેલા સૌથી વધુ ચર્ચા પીચની થઈ રહી છે 
• નરેન્દ્ર મોદી સ્ટેડિયમમાં ભારત અને ઓસ્ટ્રેલિયા વચ્ચે મેચ રમાવાની છે
• આ ફાઈનલ મેચ ભારત અને પાકિસ્તાન વચ્ચેની મેચ સમાન હોઈ શકે છે

ભારત અને ઓસ્ટ્રેલિયા વચ્ચે વર્લ્ડકપ 2023ની ફાઈનલ પહેલા સૌથી વધુ ચર્ચા પીચની છે. સમગ્ર વિશ્વકપ દરમિયાન પિચને લઈને ઘણી ચર્ચા થઈ છે. એક તરફ જ્યાં નાસિર હુસૈન જેવા દિગ્ગજ કેપ્ટને ભારતીય પીચના વખાણ કર્યા છે તો બીજી તરફ વિશ્વમાં પીચને લઈને વિવાદ ચાલી રહ્યો છે. ભારત અને ન્યુઝીલેન્ડ વચ્ચેની સેમીફાઈનલ પહેલા પીચ બદલવાનો વિવાદ છેડાઈ ગયો હતો. હવે ફાઈનલ પહેલા પણ દરેક જગ્યાએ માત્ર પીચની જ ચર્ચા થઈ રહી છે.

🏟️ The Narendra Modi Stadium.

One day to go! 😍#CWC23 pic.twitter.com/UD4v94q9H5

— ICC (@ICC) November 18, 2023

શું મેચ ધીમી પીચ પર રમાશે?
અમદાવાદના નરેન્દ્ર મોદી સ્ટેડિયમમાં ભારત અને ઓસ્ટ્રેલિયા વચ્ચે ફાઇનલ મેચ રમાવાની છે. આ મેદાન પર 11 પિચો છે. માનવામાં આવે છે કે ફાઇનલ મેચ ધીમી પીચ પર રમાશે. એટલે કે બોલ પડ્યા પછી તે બેટ્સમેનોની નજીક અટકી જશે. આ મેચ આ જ મેદાન પર રમાયેલ ભારત અને પાકિસ્તાન વચ્ચેની મેચ સમાન હોઈ શકે છે. ભારતીય ટીમના કેપ્ટન રોહિત શર્મા અને કોચ રાહુલ દ્રવિડે સ્ટેડિયમમાં પિચનું વિગતવાર નિરીક્ષણ કર્યું હતું.

Getting ready for the ultimate battle 💪#CWC23 #INDvAUS pic.twitter.com/tU0PjMhLrb

— ICC (@ICC) November 17, 2023

કાળી માટીની પિચ ધીમી છે
નરેન્દ્ર મોદી સ્ટેડિયમમાં ત્રણ પ્રકારની પીચો છે. કાળી માટીથી બનેલી, લાલ માટીમાંથી બનેલી અને બંને માટીના મિશ્રણથી બનેલી. કાળી માટીની પિચ સામાન્ય રીતે ધીમી હોય છે. સમાન વિકેટ પર ભારત-પાકિસ્તાન મેચ દરમિયાન પાકિસ્તાનની ટીમ 191 રનમાં સમાઈ ગઈ હતી. ભારતે સાત વિકેટે શાનદાર જીત નોંધાવી હતી. જાણવા મળ્યું છે કે ફાઇનલ મેચની પિચ પણ એવી જ હોવાની અપેક્ષા છે જ્યાં સ્પિનરોને વધુ તક મળશે.

Captain Pat Cummins inspects the pitch ahead of the final 🔍#CWC23 #INDvAUS pic.twitter.com/ymBAK5o8x6

— ICC (@ICC) November 18, 2023

વાનખેડેમાં શું હતો આરોપ?
BCCI પર મુંબઈના વાનખેડે સ્ટેડિયમમાં આયોજિત વર્લ્ડ કપ સેમિફાઈનલ પહેલા પિચ બદલવાનો આરોપ છે. એક અહેવાલમાં દાવો કર્યો હતો કે ભારતીય ટીમ મેનેજમેન્ટે ક્યુરેટરને પિચમાંથી ઘાસ હટાવીને પિચ તૈયાર કરવા કહ્યું છે. ટીમ ઈન્ડિયા પર ઘરેલું પરિસ્થિતિનો ફાયદો ઉઠાવવાનો પ્રયાસ કરવાનો આરોપ લગાવવામાં આવી રહ્યો છે.