આતંક / અમદાવાદમાં રખડતાં ઢોરે દાટ વાળ્યો, ગાયની અડફેટે આવતા ટેમ્પો ચાલકનું મોત, રાજ્યમાં 4નો ભોગ

• અમદાવાદમાં રખડતા ઢોરે વધુ એક વ્યક્તિનો લીધો ભોગ
• ઓઢવમાં રખડતા ઢોરના કારણે ટેમ્પોચાલકનું મોત
• રખડતા ઢોરના કારણે રાજ્યમાં 24 કલાકમાં 4 વ્યક્તિના મોત

રાજ્યમાં રખડતા ઢોરનો આતંક યથાવત છે. રખડતા ઢોરના કારણે આજે રાજ્યના અલગ અલગ શહેરોમાં ચાર વ્યક્તિઓના મોત થયાં છે. અમદાવાદમાં રખડતા ઢોરે વધુ એક વ્યક્તિનો ભોગ લીધો છે. 24 કલાકમાં રાજ્યમાં રખડતા ઢોરના કારણે 4 વ્યક્તિના મોત થયાં છે. ફરી એક વાર રાજ્યમાં રખડતા ઢોરનો ત્રાસ જીવલેણ બન્યો છે. ઓઢવમાં રખડતા ઢોરના કારણે ટેમ્પોચાલકનું મોત થયું છે. ઢોર વચ્ચે આવતા ટેમ્પો પલટી જતા ઈજા પહોંચી હતી. 30 વર્ષના ઈજાગ્રસ્ત યુવકનું સારવાર દરમિયાન મોત થયું છે

રખડતા ઢોરના કારણે 24 કલાકમાં 4 વ્યક્તિના મોત
ફરી એક વખત રખડતા પશુનો આતંક સામે આવ્યો છે. રાજ્યમાં છેલ્લા 24 કલાકમાં રખડતા પશુને કારણે 4 લોકોએ જીવ ગુમાવ્યો છે. ગઈકાલે પાટણમાં રખડતા પશુએ 4 મહિલાઓને અડફેટે લીધી હતી જેમાં 2 મહિલાઓના મૃત્યુ થયા છે જ્યારે અન્ય બે મહિલાને ગંભિર ઈજા થઈ છે. 

સુરતમાં યુવકનુ મોત
આજે સુરતના ઓલપાડ રોડ પર બે યુવક બાઈક પર જઈ રહ્યા હતા ત્યારે બાઇક સાથે ગાય અથડાતા બાઇક સવાર બન્ને યુવકો નીચે પટકાયા હતા. જેમાં બાઈકની પાછળ બેઠેલા વ્યક્તિને માથાના ભાગે ગંભીર ઈજાઓ પહોંચતા હોસ્પિટલ ખસેડવામાં આવ્યો હતો. જ્યાં યુવકનું સારવાર દરમિયાન મોત નિપજ્યું હતું. રાજ્યમાં રખડતા પશુનો અનેક લોકો ભોગ બની રહ્યા છે. છતાં પણ તંત્ર દ્વારા કોઈ પણ પ્રકારની કાર્યવાહી કરવામાં ન આવતા લોકોમાં ભારે રોષ જોવા મળી રહ્યો છે.