મોરંગી ગામ / સાપ ગયો પણ લીસોટા રહી ગયા.! અમરેલીમાં વાવાઝોડાને કારણે દારુણ સ્થિતિ, અનાજ પલળી જતાં એક ટંકનું ખાવાના ફાંફાં

• મોરંગી ગામે વાવાઝોડાની અસર
• 40 જેટલા મકાનોના નળિયા ઉડ્યા
• કાચા મકાનોની દિવાલ ધરાશાયી

તાઉતે વાવાઝોડામાં જે પરિવારે મકાન પડી ગયા બાદ માંડ ઉભા કરેલા હવે તે મકાનને ફરી બિપોર જોય વાવાઝોડા થપાટ લાગતા આ પરિવાર ઘર વિહોણો થયો છે. મોરંગી ગામમાં  મકાન વિહોણા બનેલા અસરગ્રસ્તો પરિવારો હાલ શાળામાં રહે છે. જેને લઈને સરકાર અને સરપંચ દ્વારા તકેદારી રાખવામાં આવી રહી છે પરંતુ પોતાના ઘર વાવાઝોડામાં ગુમાવ્યા બાદ પીડિત પરિવારો સરકાર પાસે આશા સાથે પર સરપંચ પાસે યોગ્ય કરે તેવી માંગ કરાઈ છે.

 વાવાઝોડાની આફતમાંથી ઉગર્યા પણ સાપ ગયાને લીસોટા રહી ગયા તેમ અમરેલી જિલ્લાના રાજુલા ના મોરંગી ગામે ભારે પવનને વાવાઝોડાને કારણે સાવ દારૂણ સ્થિતિમાં પરિવાર સાથે રહેતા જાકીર હુસૈનના કાચા મકાનની છત જ ઉડી ગઈને ભારે પવનથી પંખો પણ નષ્ટ પામ્યો. ત્યારે દક્ષાબેનના ઘરની દીવાલ ધરાશાહી થઈ જતા ઘરવખરી, અનાજ પલળી જતા એક ટંક ખાવાનું ફાંફાં થઈ પડ્યા છે. ત્યારે સરકાર દ્વારા આવા ઘર વિહોણા થયેલા તાઇતે વાવાઝોડામાંથી માંડ ઉગરેલા જાકીર હુસૈન અને દક્ષાબેનના માથેથી બિપોરજોય વાવઝોડાએ  છત છીનવી લીધી હતી. 

વી ટીવી દ્વારા ગ્રાઉન્ડ રિપોર્ટ વખતે રાજુલાના મોરંગી ગામમાં ગઈકાલે ભારે પવન અને વરસાદથી તબાહી જોવા મળી હતી 40 જેટલા મકાનોના નળીયા ઉડી ગયા તો દીવાલો ધરાશાયી થઈ ગઈ હતી જ્યારે તાઉતે વાવાઝોડામાં મકાન પડી ગયા બાદ માંડ ઉભા કરેલા મકાનને ફરી બિપોરજોય વાવાઝોડાની આફતે ઘર વિહોણા કરી દીધા. 

ઘરનાં પતરા તેમજ ગોદડું બધું પલળી ગયુંઃ જાકીર હુસૈન
આ બાબતે જાકીર હુસૈને જણાવ્યું હતું કે, મારા પરિવારમાં પાંચ સભ્યો છે.  જેમાં બે છોકરા છે અને એક છોકરી છે અને એક માજી છે.  અમે સાવ ગરીબ પરિસ્થિતિમાં છીએ. ત્યારે જે વાવાઝોડું આવ્યું ત્યારે આ વખતે તૌકતેમાં પણ આવી પરિસ્થિતિ થઈ હતી. અત્યારે પણ ઘરનાં પતરા ઉડી ગયા હતા.  તેમજ ખાવાનું અને અનાજ, ગોદડા બધું પલળી ગયું છે.  કોઈ જાતની પરિસ્થિતિ સારી નથી અત્યારે અમારી અને માંડ માંડ અમે અમારૂ ગુજરાન ચલાવીએ છીએ.

સરકાર દ્વારા મકાન બનાવવા માટે સહાય કરવામાં આવેઃ દક્ષાબેન
આ બાબતે અસરગ્રસ્ત મહિલા દક્ષાબેને જણાવ્યું હતું કે,  વાવાઝોડાનાં કારણે અમારી પરિસ્થિતિ ખૂબ જ ખરાબ છે.  વાવાઝોડાનાં કારણે અમારા ઘરની છત પણ ઉડી ગઈ છે.  અમારા ઘરમાં 10 થી 15 જણા છીએ. ત્યારે વાવાઝોડાનાં કારણે ઘરમાં રહેલ અનાજ પણ પલળી ગયું છે. અમે મજૂરી કરી અમારા ઘરનું ગુજરાન ચલાવીએ છીએ. ત્યારે સરકાર દ્વારા મકાન બનાવવા માટે સહાય કરવામાં આવે તેમ જણાવ્યું હતું.

મકાન વિહોણા બનેલા અસરગ્રસ્તો સ્કૂલમાં રહે છેઃ સરપંચ
આ બાબતે સરપંચ ભાણજીભાઈ રાઠોડે જણાવ્યું હતું કે, મોરંગી ગામમાં 40 જેટલા મકાનોના નળીયા ઉડી ગયા તો દીવાલો પડી ગઈ છે. જેથી મકાન વિહોણા બનેલા અસરગ્રસ્તો હાલ સ્કૂલમાં રહે છે. જેને સરકાર અને સરપંચ દ્વારા તકેદારી રાખવામાં આવે છે. પણ હજુ સહાય પહોંચતી થાય તેવી આશાઓ પર સરપંચ દ્વારા સરકાર યોગ્ય કરે તેવી માંગ કરાઈ છે.