ક્રિકેટ / કોરોના વાયરસ : ભારત-સાઉથ આફ્રિકાની સીરીઝને લઈને BCCIએ લીધો મોટો નિર્ણય, ટિકિટના પૈસા નહીં બગડે

• ભારત અને સાઉથ આફ્રિકા વચ્ચેની 15 અને 18 માર્ચે રમાનારી વન-ડે મૅચનું આયોજન ખાલી સ્ટૅડિયમમાં કરાશે
• સીરીઝની બંને મેચોને ખાલી સ્ટેડિયમમાં રમાવવાના નિર્ણય બાદ BCCI ટિકિટના પૈસા પરત કરશે : રિપોર્ટ

મહત્વનું છે કે સાઉથ આફ્રિકાની ત્રણ વન-ડે સીરીઝની બાકી બચેલી બંને મેચોને લઈને BCCIએ કહ્યું હતું કે સરકારે રમતની ઈવેન્ટ્સને લઈને એડવાઈઝરી જાહેર કરી છે. જેના અનુસાર મૅચનું આયોજન કરવામાં આવશે. આ બંને મેચોમાં સરકારી એડવાઈઝરીને ધ્યાનમાં રખાઈ છે. જેથી હવે બીજી વન-ડે જે લખનઉમાં અને ત્રીજી મૅચ કોલકતામાં રમાવાની છે ત્યાં ખાલી સ્ટૅડિયમમાં મૅચ રમાશે. 

BCCI પૈસા પરત કરશે

રિપોર્ટ્સ અનુસાર સીરીઝની બંને મેચોને ખાલી સ્ટેડિયમમાં રમાવવાના નિર્ણય બાદ BCCI ટિકિટના પૈસા પરત કરશે. ઉલ્લેખનીય છે કે આ પહેલાં બંને ટીમો વચ્ચેની સીરિઝની પ્રથમ મૅચ ધર્મશાલામાં વરસાદને કારણે રમાઈ શકી ન હતી.

NEWS: The remaining two ODIs of the ongoing series between India and South Africa to be played behind closed doors #INDvsSA

Read More here 👉https://t.co/OU1BLRfg0v pic.twitter.com/r0QQNTJUlX

— BCCI (@BCCI) March 12, 2020

સરકારે જાહેર કરી હતી એડવાઈઝરી

સ્વાસ્થ્ય મંત્રાલય દ્વારા એડવાઈઝરી જાહેર કરીને દરેક ફેડરેશનને કહેવામાં આવ્યું હતું કે તેઓ વધુ ભીડ ભેગી કરવાથી બચે. 

રણજી ટ્રોફીની ફાઈનલના અંતિમ દિવસે પણ સ્ટેડિયમમાં પ્રતિબંધ 

રાજકોટમાં સૌરાષ્ટ્ર અને બંગાળ વચ્ચે રણજી ટ્રોફીની ફાઈનલ ચાલી રહી છે, આવતીકાલે આ ફાઈનલનો અંતિમ દિવસ છે. પરંતુ કોરોના વાઈરસને કારણે સૌરાષ્ટ્ર ક્રિકેટ ક્રિકેટ એસોસિયેશને એડવાઈઝરી બહાર પાડી દર્શકોને મેચ જોવા માટે સ્ટેડિયમમાં આવવા પર પ્રતિબંધ મુકી દીધો છે. માત્ર ટીમ અને સત્તાવાર સંકળાયેલા વ્યક્તિઓ સિવાય કોઇને પણ પ્રવેશ આપવામાં આવશે નહીં. સૌરાષ્ટ્ર ક્રિકેટ એસોસિયેશને કેન્દ્ર સરકારના યુવા બાબતો અને રમત-ગમત મંત્રાલયના નિર્દેશને પગલે આજે એડવાઈઝર બહાર પાડી દર્શકોના સ્ટેડિયમ પ્રવેશ પર પ્રતિબંધ મુકી દીધો છે. જ્યારે દર્શકો સિવાય બન્ને ટીમના સપોર્ટર્સ, ટીવી, રેડિયો, એક્રિડેટેડ પત્રકારો, ક્રુ અને અન્ય સત્તાવાર સ્ટાફને જ પ્રવેશ આપવામાં આવશે.