ચિંતાજનક / અમદાવાદમાં વધતાં અકસ્માતનું કારણ આવ્યું સામે, પૂર્વ- પ્રશ્ચિમના હોટ સ્પોટ વિસ્તારો પણ જાહેર, ગત વર્ષમાં 1793 લોકોના થયો હતો એક્સિડન્ટ

• દેશમાં અકસ્માતનાં કારણે થતા મોત ખૂબ જ ચિંતાજનક
• સૌથી વધુ લોકો અકસ્માત માં મોત ને ભેટી રહ્યા છે
• વર્ષ 2022 માં અમદાવાદમાં 1793 લોકો અકસ્માતમાં ભોગ બન્યા

 દેશ માટે અકસ્માતના કારણે થતા મોત ખુબજ ચિંતાજનક છે. સૌથી વધુ લોકો અકસ્માત માં મોત ને ભેટી રહ્યા હોવાનું સામે આવ્યું છે. અમદાવાદ શહેર ની વાત કરીએ તો વર્ષ 2022 માં 1793 લોકો અકસ્માત માં ભોગ બન્યા અને જેમાં 488 લોકો મોત ને ભેટ્યા. ત્યારે ગંભીર ઇજા 720 લોકો ને થઈ અને 585 સામાન્ય ઈજાઓ થઈ છે. ત્યારે 2023 નવેમ્બર સુધી ની વાત કરીએ તો 1693 લોકો ભોગ બન્યા જેમાં 480 લોકો મોત ને ભેટ્યા ત્યારે ગંભીર 642 લોકો અને સામાન્ય ઇજા 574 લોકો ને થઈ છે. 

ટ્રાફિક વિભાગ દ્વારા એક સર્વે પણ કરવામાં આવ્યો છે
ટ્રાફિક વિભાગ દ્વારા એક સર્વે પણ કરવામાં આવ્યો છે. જેમાં પૂર્વ અને પશ્ચિમ વિસ્તાર માં કેટલીક જગ્યા છે જ્યાં વધુ અકસ્માતો થઈ રહ્યા છે. જેમાં પશ્ચિમ માં સત્તાધાર ચાર રસ્તા,વાડજ સર્કલ,ચીમન ભાઈ બ્રિજ,જુહાપુરા થી અંબર ટાવર સુધી,આંબેડકર બ્રિજ,ગુજરાત હાઈ કોર્ટ પાસે નવો બ્રિજ,ઇસ્કોન બ્રિજ ઉપર અને પકવાન બ્રિજ થી અંદર બ્રિજ જવાના રસ્તા ઉપર ત્યારે પૂર્વ ની વાત કરીએ તો રાજીવ ગાંધી ભવન સામે,નરોડા રોડ,નરોડા પાટિયા સર્કલ,સારંગપુર બ્રિજ થી કામદાર મેદાન,વસ્ત્રાલ ચાર રસ્તા,ગામડી ચાર રસ્તા હોવાનુ સામે આવ્યું છે. નોંધનીય છે કે જે રીતે મોબાઇલ ઉપર લોકો વાત કરતા હોય છે અને ઓવર સ્પીડ ના કારણે જે મોત થાય છે તે રોકવા ડ્રાઇવ પણ કરવામાં આવી શકે છે.