અરેરાટી / ઉત્તરાયણની ખરીદી માટે ગયા અને ચાલુ કારમાં જ હાર્ટઍટેક: વડોદરામાં મૃતદેહ મળવાનો શૉકિંગ કેસ

• વડોદરાના ભાયલી રોડ પર એક અજાણી વ્યકિતનો મળ્યો મૃતદેહ
• પોલીસે તપાસ કરતા મૃતક પંચમહાલના વેજલપુરનો હોવાનુ આવ્યું સામે
• હાર્ટ એટેકથી મૃત્યુ થયું હોવાનું પોલીસનું પ્રાથમિક તારણ
• પોસ્ટ મોર્ટમ બાદ મૃત્યુનું કારણ આવશે બહાર

એક તરફ ઉત્તરાયણના તહેવારની સૌ કોઈ રંગેચંગે ઉજવણી કરી રહ્યું છે. ત્યારે બીજી તરફ વડોદરાના ભાયાલી રોડ પરથી એક અજાણી વ્યક્તિનો મૃતદેહ મળી આવતા સમગ્ર વિસ્તારમાં ચકચાર મચી જવા પામી છે. શહેરના ભાયાલી રોડ પર કાર પાર્ક કરેલી જોતા રાહદારીઓને શંકા ગઈ હતી. જેથી રાહદારીઓએ કારની તપાસ કરતા કારમાંથી મૃતદેહ મળી આવ્યો હતો.  જેથી આસપાસના લોકોએ પોલીસને જાણ કરી હતી. જેથી પોલીસ તાત્કાલિક ઘટનાસ્થળ પર દોડી આવી હતી.

મૃતક વિશાલ પટેલ વડોદરા ખરીદી માટે આવ્યા હતા

પોલીસે તપાસ કરતા મૃતક યુવાન પંચમહાલના વેજલપુરનો હોવાનુ સામે આવ્યું છે. મળતી માહિતી મુજબ આ મૃતકનું નામ વિશાલ છે. જે ઉત્તરાયણની ખરીદી કરવા માટે વડોદરા આવ્યો હતો. પોલીસને શંકા છે કે યુવકનું હાર્ટ એટેકના કારણે મૃત્યુ થયું છે. હાલ તો પોલીસે મૃતદેહને પીએમ માટે ખસેડીને આગળની કાર્યવાહી હાથ ધરી છે. પોસ્ટમોર્ટમ રિપોર્ટ આવ્યા બાદ જ ખબર પડશે કે યુવકનું મૃત્યુ ક્યા કારણોસર થયું છે.. હાલ તો પોલીસે સમગ્ર મામલે નોંધ કરીને આગળની કાર્યવાહી હાથ ધરી છે.

ગોત્રી પોલીસે સમગ્ર મામલે વધુ તપાસ હાથ ધરી

પોલીસના જણાવ્યા અનુસાર ગોકુલ પાર્ટી પ્લોટ પાસેથી ઈકો કારમાંથી મૃતદેહ મળી આવ્યો હતો. મૃતક યુવક ગોધરાની ખાનગી હોસ્પિટલમાં નોકરી કરતો હતો અને તે ઉતરાયણની ખરીદી કરવા માટે વડોદરા આવ્યો હતો.આ દરમિયાન યુવકને અચાનક છાતીમાં દુખાવો ઉપડતા તે ઈકો ગાડીમાં પાછળની સીટ પર જઈ સૂઈ ગયો હતો.. ત્યારે ત્યાંથી પસાર થતા રાહદારીને ઘટનાની જાણ થતાં તેને પોલીસને જાણ કરી હતી અને જે બાદ સમગ્ર મામલો સામે આવ્યો હતો.