- ઘર માટે મોટી યોજના લાવવાની તૈયારીમાં મોદી સરકાર
- હોમ ઈન્સોરન્સ સ્કીમ લોન્ચ કરે તેવી સંભાવના
- મકાનના નુકશાન તથા પર્શનલ એક્સીડન્ટ કવરેજ પણ થશે સામેલ
સૂત્રોના જણાવ્યા પ્રમાણે, નવી લોન્ચ થનારી હોમ ઈન્સોરન્સ સ્કીમમાં મોદી સરકાર કુદરતી આપદાઓને કારણે ઘરોને થનારા નુકશાનને કવર કરવા માટે 3 લાખ સુધીનો વીમો પણ આપવાની જોગવાઈ કરવાની છે જેથી કરીને જો કોઈ કુદરતી હોનારતને કારણે ઘરોને નુકશાન થાય તો નવું ઘર બનાવી શકાય અથવા તો રિપેર કરાવી શકાય. તે ઉપરાંત ઘરના સામાનનો પણ 3 લાખ સુધીનો વીમો મળશે, પોલીસી લેનાર ફેમિલીના બે સભ્યોને 3-3 લાખનો પર્શનલ એક્સીડન્ટ વીમો પણ મળશે.
500 રુપિયાનું પ્રીમિયમ હોઈ શકે છે
સૂત્રોના જણાવ્યા અનુસાર જાહેર અને ખાનગી વીમા કંપનીઓ કેન્દ્ર સરકારની આ વીમા યોજનાનું સંચાલન કરશે અને તેનું પ્રીમિયમ લોકોના બેંક ખાતા સાથે જોડવામાં આવશે. વીમા કંપનીઓએ પોલિસી દીઠ વર્ષે 1000 નું પ્રીમિયમ નક્કી કરવા માંગે છે પરંતુ આ યોજનાનું વાર્ષિક પ્રીમિયમ 500 રુપિયા રાખવાની સરકારની ઈચ્છા છે. ભારે વરસાદ અને અન્ય કુદરતી આફતોને કારણે લોકોને થયેલા નુકસાન સામે લોકોને સુરક્ષા કવચ પૂરા પાડવાના લક્ષ્ય સાથે કેન્દ્ર સરકાર આ યોજનાને મોટા પાયે યોજના બનાવી રહી છે. ઉલ્લેખીય છે કે મોદી સરકાર દ્વારા પહેલાથી જ બે સામાજિક સુરક્ષા યોજનાઓ ચલાવવામાં આવી રહી છે. તેમાંથી એક પ્રધાન જીવન જ્યોતિ બીમા યોજના (પીએમજેજેબીવાય) છે. જેની શરૂઆત 2015 માં કરવામાં આવી હતી. 55 વર્ષની વય સુધી આ યોજનામાં લાઇફ કવર ઉપલબ્ધ છે. કોઈ કારણસર વીમાધારકનું મોત થાય તો નામાંકિતને રૂ. બે લાખનું કવર મળે છે. આ યોજનાનું વાર્ષિક પ્રીમિયમ 330 રૂપિયા છે. આ યોજનાનો લાભ 18 થી 50 વર્ષની વય સુધી લઈ શકાય છે.
બીજી યોજના પ્રધાન સુરક્ષા બીમા યોજના (પીએમએસબીવાય) છે. તેને 2015 માં પણ શરૂ કરાઈ હતી. આ યોજના હેઠળ, વીમા કંપનીને આકસ્મિક મૃત્યુ અથવા સંપૂર્ણ અપંગતાના કિસ્સામાં 2 લાખ રૂપિયાનો અકસ્માત વીમો મળે છે. બીજી બાજુ, કાયમી આંશિક અપંગતાના કિસ્સામાં, 1 લાખ રૂપિયાનું કવર ઉપલબ્ધ છે. 18 થી 70 વર્ષની વયના ભારતીય આ યોજનામાં નોંધણી કરાવી શકે છે.
