જાણવા જેવું / ફિલ્મ 'TAX FREE' થતા જ ટિકિટના દરમાં થાય છે કેટલો ઘટાડો! જાણો દર્શકોને કેટલો ફાયદો

• રાજ્યોની સરકારોએ ફિલ્મ પરથી એન્ટરટેનમેન્ટ ટેક્સ હટાવવાની જાહેરાત કરી
• રાજ્ય સરકાર તેનો 9 ટકા હિસ્સો માફ કરે છે
• સેન્ટ્રલ જીએસટીના રૂપમાં દર્શકોને ટેક્સ ચૂકવવો પડે છે

The Kerala Story Tax Free: ફિલ્મ 'ધ કેરળ સ્ટોરી' તેના વિરોધ અને સમર્થનને કારણે ચર્ચામાં છે. એક વર્ગ ફિલ્મને સમર્થન આપી રહ્યો છે, તેથી તેને જોવા માટે ઘણા રાજ્યોમાં અપીલ કરવામાં આવી રહી છે. આ દરમિયાન દેશના ઘણા રાજ્યોમાં ફિલ્મને ટેક્સ ફ્રી કરી દેવામાં આવી છે. ઉત્તર પ્રદેશ, મધ્યપ્રદેશ જેવા રાજ્યોની સરકારોએ ફિલ્મ પરથી એન્ટરટેનમેન્ટ ટેક્સ હટાવવાની જાહેરાત કરી છે.

જો કે, કેટલાક રાજ્યો એવા પણ છે કે જેઓએ ફિલ્મ પર પ્રતિબંધ મૂક્યો છે. ફિલ્મને ટેક્સ ફ્રી કરવા પર અને ટેક્સ ફ્રી બનાવવાની માંગને લઈને સવાલ એ કર્યા છે કે ટેક્સ ફ્રી થયા પછી ફિલ્મ પર તેની શું અસર થાય છે.

શું તમે જાણો છો કે જ્યારે ફિલ્મને ટેક્સ ફ્રી કરવામાં આવે છે તો ટિકિટ પર શું અસર પડે છે અને ફિલ્મની ટિકિટ કેટલી સસ્તી થઈ જાય છે. શું આ ફિલ્મની કમાણી પર અસર કરે છે... તો ચાલો જાણીએ આ સવાલોના જવાબ...

કયો ટેક્સ હોય છે ફ્રી?
વાસ્તવમાં, અગાઉ જ્યારે પણ કોઈ ફિલ્મ કરમુક્ત બનાવવામાં આવતી હતી, ત્યારે તેના પરથી એન્ટરટેનમેન્ટ ટેક્સ દૂર કરવામાં આવતો હતો. પરંતુ, હવે GST સિસ્ટમ દાખલ થયા પછી, માત્ર મૂવી ટિકિટ પર જ GST વસૂલવામાં આવે છે. GSTના બે ભાગ છે, જેમાં રાજ્ય GST અને કેન્દ્રીય GSTનો સમાવેશ થાય છે. આવી સ્થિતિમાં, જ્યારે રાજ્ય સરકાર ફિલ્મને ટેક્સ ફ્રી બનાવે છે, ત્યારે તે તેનો CGST લેવાનો ઇનકાર કરે છે અથવા તેને માફ કરે છે. આના કારણે CGSTનો જે પણ ભાગ હોય, તે માફ કરવામાં આવે છે અને ટિકિટ સસ્તી થઈ જાય છે.

ઉલ્લેખનીય છે કે, જો કોઈ થિયેટરની ટિકિટની કિંમત/પ્રવેશ દર રૂ.100થી ઓછી હોય, તો તેની ટિકિટ પર 12% GST વસૂલવામાં આવે છે. પરંતુ 100 રૂપિયાથી વધુ કિંમતની ટિકિટ માટે GST સ્લેબ અલગ છે અને 100 રૂપિયાથી વધુની ટિકિટ પર 18% GST વસૂલવામાં આવશે. જો કે, મોટાભાગની મૂવી ટિકિટની કિંમત 100 રૂપિયાથી વધુ છે, તો ટેક્સ 18 ટકા છે. આ 18 ટકા ટેક્સમાં અડધો ટેક્સ રાજ્ય સરકારનો અને અડધો કેન્દ્ર સરકારનો છે. આ પછી, રાજ્ય સરકાર તેનો 9 ટકા હિસ્સો માફ કરે છે.

કેટલી સસ્તી થાય છે ટિકિટ?
ટિકિટ પ્રમાણે જોઈએ તો એક ટિકિટ પર જે ટેક્સ વસૂલવામાં આવતો હતો તે ટેક્સ અડધો થઈ ગયો છે. જેના કારણે ટિકિટ સસ્તી થાય છે. જો ટિકિટની મૂળ કિંમત 400 રૂપિયા છે, તો તમામ ટેક્સ લાગુ કર્યા પછી, ટિકિટની કિંમત 464 રૂપિયા થશે. તે જ સમયે, જો ટિકિટ ટેક્સ ફ્રી હોય તો તેના પર 436 રૂપિયા ચૂકવવા પડશે. તેનાથી દર્શકોના 36 રૂપિયાની બચત થશે. સેન્ટ્રલ જીએસટીના રૂપમાં દર્શકોને ટેક્સ ચૂકવવો પડે છે.