લોકસભા ચૂંટણીને લઈ હાર ઠેર ઠેર ઉમેદવારોનો તેમજ લોકો દ્વારા તેઓની માંગણી ન સંતોષાતા ગામમાં ઠેર ઠેર બેનરો લગાવી ચૂંટણી બહિષ્કારની ચીમકી ઉચ્ચારવામાં આવી છે. ગ્રામજનો દ્વારા માંગણી ન સંતોષાય ત્યાં સુધી ચૂંટણી બહિષ્કારની ચીમકી ઉચ્ચારી છે.
Share
મહેસાણા તાલુકાનાં કુકરવાડા ગામમાં બસ નહિ તો મત નહિનાં બેનર લાગ્યા છે. ગામ સુધી બસની માંગણી ન સંતોષાતા ગ્રામજનોમાં રોષ જોવા મળ્યો હતો. કુકરવાડા ગામમાં 25 ગામોથી લોકો ખરીદી કરવા આવે છે. કુકરવાડા ગામમાં મોટુ એપીએમસી હોવાથી અહીં ખેડૂતોની અવર જવર રહે છે. બસની વ્યવસ્થા અપુરતી હોવાથી લોકો ત્રસ્ત હોવાની રજૂઆત કરવામાં આવી છે. ગામ લોકોએ માંગણી ન સંતોષાય તો ચૂંટણી બહિષ્કારની ચીમકી ઉચ્ચારી છે.
કિશનભાઈ ભાનુશાળી (ગ્રામજનો)
ગામ લોકોએ માંગણી ન સંતોષાય તો આપી ચૂંટણી બહિષ્કારની ચીમકી
આ બાબતે કુકરવાડા ગામનાં કિશનભાઈ ભાનુશાળીએ જણાવ્યું હતું કે, કુકરવાડા ગામ તરફથી રજૂઆત કરવા માંગુ છું. કુકરવાડામાં આવતી અને જતી તમામ બસો જે પહેલા કરતા 20 ટકા બસો જ અત્યારે આવે છે. કેમ બંધ કરવામાં આવી. લોકોની સગવડને અગવડમાં ફેરવી નાંખવા માટે આ બસો ઈરાદા પૂર્વક બંધ કરવામાં આવી હોય તેવું લાગે છે. ત્યારે મહેરબાની કરી સાંજની બસો. નવ વાગ્યા બાદ કોઈ બસ આવતી નથી. તો એ બસ ચાલુ કરવામાં આવે તેવી અમારી ઉગ્ર રજૂઆતો છે.
બેનરો લગાવી ગ્રામજનોએ કર્યો ચૂંટણીનો વિરોધ
સાબરકાંઠાનાં ઈડરનાં વસાઈ ગામે પણ ચૂંટણી બહિષ્કારનાં બેનર લાગ્યા હતા. ગ્રામ પંચાયતનું મકાન નહિ તો વોટ નહિના બેનર લાગ્યા હતા. રાજકીટ પક્ષોએ વસાઈ ગામમાં પ્રવેશવું નહી તેવું પણ બેનર લગાવ્યું હતું. બેનરો લગાવી ગ્રામજનોએ ચૂંટણીનો વિરોધ કર્યો હતો. હાલ ગ્રામજનો પંચાયત ભાડાનાં મકાનમાં ચાલે છે.
કોઈ પણ રાજકારણીને ગામમાં પ્રવેશ કરવા દેવો નહી અને ચૂંટણીનો બહિષ્કાર કરવોઃ ગ્રામજન
ઈડરનાં વસાઈ ગામનાં રહીશે જણાવ્યું હતું કે, વસઈ ગામે 2017 માં આ ગ્રામ પંચાયત જર્જરીત થઈ ગયેલી હતી. જેનું નો યુઝ સર્ટીફીટેક અમે લીધું હતું. જે સર્ટીફીકેટ લીધા પછી અમે નવી ગ્રામ પંચાયતનું મકાન બને તેના માટે અમે પ્રયત્ન કર્યા હતા. સરકારી કચેરીમાં લેખિત તેમજ મૌખિક રજૂઆતો કર્યા બાદ 2022 માં અમને વર્ક ઓર્ડર આપવામાં આવ્યો હતો. જે બાદ પણ મકાન બન્યું ન હતું. ત્યારે અમે સૌ ગ્રામજનોએ નક્કી કર્યું કે કોઈપણ રાજકારણીને ગામમાં પ્રવેશ કરવા દેવો નહી અને ચૂંટણીનો બહિષ્કાર કરવો.
