તણાવ / ભારત-બાંગ્લાદેશ વચ્ચેનો તણાવ વધ્યો, બીજી વાર બાંગ્લાદેશી રાજદૂતને હાજર થવાનો ઓર્ડર

કેટલાક દિવસો પહેલા બાંગ્લાદેશમાં પ્રમુખ યુવા નેતા શરીફ ઉસ્માન હાદીની હત્યા થઈ ગઈ હતી. હાદીની હત્યા બાદ વિરોધ પ્રદર્શન દરમિયાન અફવાહો વચ્ચે હિન્દુ યુવક દીપુ ચંદ્ર દાસની મારી મારીને હત્યા કરવામાં આવી હતી. અને તેના શબને ઝાડ સાથે લટકાવીને સળગાવી દેવામાં આવ્યો હતો.

17 ડિસેમ્બરે ઉસ્માન હાદી પર ગોળીબાર થયા બાદ ભારતીય હાઈ કમિશને તેની વિઝા સેવાઓ એક દિવસ માટે સ્થગિત કરી દીધી હતી. "જુલાઈ ઓઈક્યા" ના બેનર હેઠળ પ્રદર્શનકારીઓએ ભારતીય હાઈ કમિશનને ઘેરવાની યોજના બનાવી હતી. પ્રદર્શનકારીઓએ આરોપ લગાવ્યો કે હાદીના હત્યારાઓ ભારત ભાગી ગયા છે. તેઓ ભૂતપૂર્વ વડા પ્રધાન શેખ હસીનાની પરત ફરવાની પણ માંગ કરી રહ્યા હતા. પ્રદર્શનકારીઓએ શરૂઆતમાં પોલીસ બેરિકેડ પણ તોડી નાખ્યા હતા.

રાષ્ટ્રીય રાજધાનીમાં બાંગ્લાદેશ હાઈ કમિશનની બહાર અને દેશના વિવિધ ભાગોમાં દિવસ દરમિયાન વિરોધ પ્રદર્શનો થયા હતા. નવી દિલ્હીમાં બાંગ્લાદેશ હાઈ કમિશને સોમવારે વિઝા આપવાનું અનિશ્ચિત સમય માટે સ્થગિત કરી દીધું હતું. હાઈ કમિશનના દરવાજા પર ચોંટાડવામાં આવેલી નોટિસમાં આ માહિતી આપવામાં આવી હતી. સુરક્ષા ચિંતાઓ અને કોઈપણ અનિચ્છનીય પરિસ્થિતિ ટાળવા માટે બાંગ્લાદેશે આગામી સૂચના સુધી બધી સેવાઓ અસ્થાયી રૂપે સ્થગિત કરી દીધી છે.

વધુ વાંચો: VIDEO : 'અમે ભારતના સૌથી મોટા ભાગેડુ', વિજય માલ્યાના બર્થડે પર લલિત મોદીનો વીડિયો વાયરલ

કેમ પ્રદર્શન કરવામાં આવી રહ્યું છે.

પ્રદર્શનકારીઓનો ગુસ્સો 18 ડિસેમ્બરે બાંગ્લાદેશના મયમન સિંહ જિલ્લામાં બાલુકા વિસ્તારમાં બનેલી ઘટનાને લઈને છે. જ્યાં 25 વર્ષીય કપડા બનાવતી ફેક્ટ્રી શ્રમિક દીપુ ચંદ્ર દાસને કથિત રૂપથી ઈર્શા અને નિંદાના આરોપથી ભીડે માર માર્યો અને પછી ઝાડ સાથે બાંધવામાં આવ્યો હતો. અને પછી તેને બાળવામાં આવ્યો હતો. આ ઘટનાના ફોટા અને વીડિયો સોશિયલ મીડિયામાં વાયરલ થયા બાદ ભારતમાં ભારે આક્રોશ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ